VOV4.Bahnar - ‘Năr (3/8), Dơ nŏ anih vei lăng kon pơ lei dêh char Bình Dương et hơ tŏk păng tơ mât yoa 2 hnam pơ gang hơ met jĭ đei hlŏh 8.300 tŏ giơng vă hơ met jĭ Covid-19. Mĭnh hnam pơ gang pơm tơ̆ Hnam trưng Đại học Việt Đức, thĭ xăh Bến Cát păng 1 hnam pơ gang pơm tơ̆ Hnam kơ măy kơ Công ty jang hơ doi atŏk tơ iung kơ măy kơ mŏk BW, găh thĭ xăh Bến Cát ‘năi.

Anih tơm vei lăng jang pơ gang dăr hơ len tơ̆ Anih 2, Hnam pơ gang hơ met jĭ adrol kơ tơ mât yoa

Anih mă 2 kơ Hnam pơ gang hơ met jĭ đei răt hơ met tôm tơ mam, kơ măy kơ mŏk ‘lơ̆ng vă hơ met ăn bơ ngai jĭ Covid-19 ưh đei ƀôh yuh, hiĕn kiơ. Atŭm hăm ‘nŏh, đei dơ̆ng 600 tŏ giơng, đei kơ măy tơ gŭm dui jơ hngâm, iŏk oxy đơ̆ng đing oxy tơm. Adrol kơ ‘nŏh, Hnam pơ gang hơ met jĭ kơ sô̆ 1 Bình Dương yoa Công ty tơm Becamex IDC pơm tơ̆ Anih pơ dăh tơ mam apŭng plenh tĕh lơ̆m plt ‘nao Bình Dương hăm 1.500 tŏ giơng đei tôm tơ mam, kơ măy kơ mŏk ‘nao. Hnam pơ gang âu hlôi iŏk hơ met ăn hlŏh 1.300 ‘nu bơ ngai jĭ Covid-19 păng hlôi đei 140 ‘nu bơ ngai jĭ brŏk đơ̆ng hnam pơ gang.

Dơ̆ng: Tơ blơ̆