VOV4.Bahnar - Lơ\m dôm năr âu, kon pơ lei mă kăl ‘no\h j^ bơ ngai jang mơ dro sa tơ mang lăng, pơ v^h pơ văn tơ\ thị trấn Măng Đen, apu\ng Kon Plông pơ ma hơ dro# păng de#h char Kon Tum pơ ma atu\m to\k bo\k đơ đu\k jơ hngơ\m chang gô pơ kao anh đào cho#h. Lơ\m khei ‘năr sơ năm ‘nâu j^ hơ bu\h Covd-19 [ơm kơ ne# kơ tang tru\h tơ drong mơ dro sa tơ mang lăng, pơ v^h pơ văn kơ de#h char Kon Tum, ‘no\h tơ drong pơ kao anh đào cho#h đei khan ‘no\h j^ tơ drong hiôk tôch kơ g^t kăl.

Dôm rơ nôp pơ kao anh đào mă blu\ng tơ\ Măng Đen cho#h pơ kao

Rim sơ năm pơ kao anh đào Măng Đen tơ lang đ^, rim năr thị trấn Măng Đen, apu\ng Kon Plông, de#h char Kon Tum sơng rơ bâu ‘nu tơ moi tơ mang lăng năm lăng pơ kao cho#h. Đ^ đăng rim hnam hô tel, hnam mơ dro et sa adoi bơ\ jang đ^ kơ sư\k. Hăm rơ bâu tơ nơm pơ kao anh đào đei pơ tăm ako\m lơ hlo\h tơ\ tơ ring thị trấn Măng Đen, tơ mam tơ mang lăng âu kơ apu\ng Kon Plông, de#h char Kon Tum to\k bo\k roi ‘năr roi sơng đei tơ moi tơ mang lăng.

Thuem: Tơ blơ\