VOV4.Bahnar - Lăp đơ̆ng rŏng ƀar ‘nu kang ƀô̆ bơ̆ jang pơgang năm bơ̆ jang tơchă dôm bơngai đei ƀơm trŭh bơngai jĭ mư̆h khăm hơlen đei ƀô̆h tơpŏh sơmach jĭ SARS-CoV-2, năr brei, năr 10/11, dơnŏ anĭh bơ̆ jang Pơgang dêh char Kon Tum hlôi iung jang dăr lăng, tơchă dôm bơngai oei tơ jê̆ jang kiơ̆ bơ̆ jang tang găn jĭ hơbŭh.

Ƀar ‘nu kang ƀô̆ đei ƀôh tơpŏh sơmach jĭ SARS-CoV-2 ‘nŏh T.V.M, 58 sơnăm bơ̆ jang lơ̆m Dơnŏ anĭh Dăr lăng jĭ jăn dêh char Kon Tum-Hơnĭh jang 1 păng H.T.M.L, 39 sơnăm, bơ̆ jang tơ̆ Hnam pơgang phương Duy Tân, pơlei tơm Kon Tum. Atŭm hăm 2 ‘nu F0 ‘nŏh kang ƀô̆ jang pơgang, tơ̆ pơlei tơm Kon Tum jei ƀô̆h 1 ‘nu bơngai F0 dơ̆ng lơ̆m kon pơlei ‘nŏh N.X.L, 46 sơnăm oei tơ̆ phương Quyết Thắng. Lăp đơ̆ng rŏng ƀô̆h 3 ‘nu F0 lơ̆m kon pơlei tơ̆ pơlei tơm Kon Tum, dơnŏ anĭh jang pơgang dêh char Kon Tum hlôi tĕnh koăng iung jang dăr lăng, tơchă dôm bơngai oei tơ jê̆, tơlĕch jang tang găn jĭ hơbŭh. Jô̆ trŭh 6 jơ pơgê năr 10/11, dêh char Kon Tum đei 327 ‘nu bơngai tơpŏh jĭ Covid-19.

Tơblơ̆ nơ̆r: Amazưt