VOV4.Bahnar - Tơ\ hơla jơ\ng kông Langbiang, th^ tra#n Lạc Dương, apu\ng Lạc Dương (Lâm Đồng) đei lơ kon pơlei hơdrung K’ho định erih jang xa đơ\ng đunh xơ\ ki. Dôm xơnăm kơ âu, gơnơm tơplih đon kơche\ng lơ\m pơm jang, tơplih tơdrong choh jang xa kiơ\ trong 'nao rơgei, atu\m hăm tơdrong hơbe\ch hơbal che\p vei joh ayo\ kăp g^t kon kông po vă pơih pơjing tơdrong jang tơmang pơhiơ\ 'măn ăn tơmoi truh, tơdrong erih mu\k drăm kon pơlei th^ tra#n Lạc Dương to\k bo\k hơto\k tơplih rim năr.  

            Oei 'nu\ng răh găr ka phê đei hơnăn K’ho vă dăh tom pơtruh ăn tơmoi răt, pơmai K'Liêng Este, tơ\ pơlei B’Nơr C, th^ tra#n Lạc Dương, apu\ng Lạc Lương (Lâm Đồng) hăt hot hăm tơdrong hơmet dôm tơmam drăm tanh yuơ kơdih po tanh vă dăh tom 'măn pơdăh, hơvơn lơ khul tơmoi truh tơmang. Pơmai K'Liêng Este ăn tơbăt, tơdrong io\k yua kơ unh hnam noh kơtă pơm tơle\ch tơmam drăm ka phê Arabica rơgoh đei hơnăn coffee K’ho, păng tanh brai duh jing um ai joh ayo\ juăt jue kăl đei răk vei, păng tơbang ăn tơmoi ataih je#. Đei tơdrong vang jang âu, mu\k drăm unh hnam hlôi xơđơ\ng păng hơto\k tơ iung hloh pơtêng hăm adrol ki: “ 'Meh vă hơto\k tơdrong jang tanh brai adrol hloh noh athei vei đei tơdrong jang, pơtoi pơtho ăn kon xâu vă hăp ưh đei hiơt hiong kơlih âu jing tơdrong jang kră pơdjoi ăn. Pơtoi kơ noh, ba duh athei tơbang che tanh vă tơmoi đơ\ng tơring nai truh hơlen băt găh tơdrong jang âu đei đơ\ng yă [ok xơ\ ki păng vei răk tơ[ăk mong, đei tanh hăm ti. Kơyuơ noh, mă ưh đei yua lơ pơtêng hăm tơmam drăm ka phê rơgoh mă lei ba duh oei gơh tơguăt atu\m vă tơbang păng te\ch tơmam drăm ăn tơmoi”

          Atu\m hăm tanh brai păng jang ka phê đei hơnăn pơkăp, tơpôl kon pơlei K’ho tơ\ th^ tra#n Lạc Dương oei hơto\k tơdrong pai xik tơm vă 'măn jong ăn tơmoi truh tơmang.

            Mă kăl, kon pơlei hlôi che\p vei tơnăp tơdrong joh ayo\ ch^ng chêng – mu\k drăm joh ayo\ kăp g^t kơ kon bơngai hlôi đei UNESCO xơkơ\t vă jang tơmang pơhiơ\. Dang ei th^ tra#n hlôi ako\m đei 11 khul pơdreh ch^ng chêng hơnơ\ng 'măn jong tơmoi. Kiơ\ nge# nhơ\n Păng Ting K’Rè, kơdră khul pơdreh ch^ng chêng tơ\ pơlei Dơng I, th^ tra#n Lạc Dương, noh hơto\k tơmang pơhiơ\ đơ\ng tơdrong pơdreh ch^ng chêng păng joh ayo\ tơmam drăm xa juăt jue hlôi tơgop kăp g^t lơ\m tơdrong axong pơm jang, hơto\k io\k yua ăn kon pơlei K’ho tơ\ tơring:  “Ba pơm jang tơdrong pơdreh ch^ng chêng 'măn jong tơmoi minh păh noh vă hơto\k tơdrong erih unh hnam, pơm trong hiôk xek axong tơdrong jang, hơto\k io\k yua ăn kon pơlei. Atu\m hăm noh, âu jing tơdrong jang mă tơgop vei răk tơ[ăk mong joh ayo\, pơhrăm ăn đe mơlôh băt hơdăh găh joh ayo\ ch^ng chêng kon pơlei po, jing mu\k drăm mă yă [ok pơxư\ ăn đei kơjă kăp g^t tih tên kơ kon pơlei K’ho pơma adro# păng tơpôl kon pơlei kon kông Tây nguyên pơma atu\m”.

          Pơlan xă um ai jang tơmang pơhiơ\ vă hơto\k io\k yua, atu\m hăm noh duh tơgop vei răk tơ[ăk mong dôm kơjă joh ayo\ juăt jue to\k bo\k jing hơyak hơto\k tơ iung pran kơ tơpôl kon pơlei K’ho tơ\ th^ tra#n Lạc Dương, apu\ng Lạc Dương (Lâm Đồng). {ok Kra Jan Meng Nôl, kang [o# jang joh ayo\ tơ\ th^ tra#n Lạc Dương akhan, đơ\ng mă kon pơlei băt jang tơmang pơhiơ\ noh tơdrong hin dơnuh hlôi tơpă đei tơpuh, tơdrong erih mu\k drăm roi năr roi đei [ôh: “Tơ\ tơring th^ tra#n Lạc Dương đei dôm khul pơdreh ch^ng chêng to\k bo\k oei pơm jang vă jong tơmoi truh tơmang duh nhen 'măn ako\m joh ayo\ rim năr kơ pơlei pơla. Atu\m hăm noh, rim pơlei jang tơdrong xo juăt jue găh pai xik tơm, tanh brai vai khăn duh đei pơm jang 'măn jong tơmoi truh tơmang. Tơdrong mă noh tơgu\m ăn kon pơlei vei răk tơ[ăk mong đei um ai joha yo\ kăp g^t kơ tơring, păng jing hơyak hơto\k tơ iung 'nao găh tơdrong jang tơmang pơhiơ\ tơ\ tơring. Dôm tơdrong jang âu mă blu\ng hlôi pơyua [ôh hơdăh, tơgop pơm tơplih tơdrong erih mu\k drăm, pơjing tơdrong jang păng hơto\k io\k yua ăn kon pơlei. Dang ei lơ unh hnam hlôi đei tơdrong erih đei [ôh [iơ\, minh [ar unh hnam đei hnam kơjăp 'lơ\ng, man đei hnam 'lơ\ng, răt gre hơyuh păng tơre\k jang tơdrong jang tơmang pơhiơ\ âu”.

          Gơnơm băt che\p vei jơhngơ\m pran găh joh ayo\ kăp g^t kơ hơdrung hơdre\ch po, bơngai K’ho tơ\ hơla jơ\ng kông Langbiang, th^ tra#n Lạc Dương, apu\ng Lạc Dương (Lâm Đồng) hlôi pơih đei lơ trong jang tơmang pơhiơ\, hơto\k răh mu\k drăm, vei răk tơ[ăk mong răh joh ayo\ juăt jue kră xơ\. Hăm hơyak jang tro\ [lep, minh pơyan puih mak 'nao to\k bo\k oei truh păng pơkăp hơ 'nhăk dôm tơdrong tơplih pran kơtang hloh dơ\ng tơ\ tơring teh Lạc Dương.

Lan chih păng rapor