VOV4.Bahnar - Tơ\ tơring ataih yaih Chư\ Amung, apu\ng Ea H’leo, dêh char Đak Lak đei minh bơngai tơnăp hăm tơdrong hơlen tơmam kră xơ\, noh jing [ok thây Lê Văn Hoàng, pơtho tơ\ hnam trưng jăl THCS Hoàng Văn Thụ. Tơdrong tơnăp đơ\ng thây hlôi tơroh pơdjoi ăn ho\k tro lăp ho\k môn lịch sử, atu\m hăm noh ako\m lơ tơmam kră xơ\ đei kơjă kăp g^t ăn anih pơdăh tơmam xo dêh char Đak Lak ‘măn chă ho\k hơlen.

Jơ ho\k lịch sử găh tơm a hla chă hơdrung kon bơngai kơ lăm 6B, hnam trưng THCS Hoàng Văn Thụ, xăh Chư\ Amung, apu\ng Ea H’leo, dêh char Đak Lak jing hơ iă hloh kơlih ho\k tro ưh adro# đei lăng um ru\p mă oei băt hơdăh rim tơmam yua mă yă [ok kră xơ\ pơm tơle\ch, io\k yua. Hơlen, che\p băt rim xung xăng, tơgăk ăh lăm ako\m ho\k hơlen kơ hnam trưng, oh Nguyễn Thị Tường Vi ăn tơbăt, dôm tơmam drăm đang măt âu tơgu\m inh ho\k tơnăp hloh păng lăp ho\k môn lịch sử hloh: Nhôn lăm kơ jơ ho\k lịch sử tơ\ trưng. Kơlih tơ\ âu nhôn [ôh dang măt păng đei chep tơ\ ti dôm tơmam mă kră xơ\ chă yua. Bơnê kơ thây Hoàng păng ‘nho\ng pơmai ho\k jăl adrol hlôi ako\m jơhngơ\m chơ chă tơmam kră âu, vă nhôn băt hơdăh hloh găh tơdrong erih kơ bơngai Việt xơ\ ki.

Dôm tơmam mă Vi ‘nao tơroi noh jing tơdrong ako\m đơ\ng thây Lê Văn Hoàng, pơtho môn Lịch sử kơ hnam trưng ako\m lơ\m 10 xơnăm kơ âu. Hăm tơdrong tơnăp ako\m tơmam kră xơ\ păng ‘meh vă tơdrong tơnăp âu đei pơdjoi ăn ho\k tro, đơ\ng ro\ng 10 xơnăm chă ako\m, truh dang ei, thây Lê Văn Hoàng hlôi ako\m đei hloh 600 tơmam xo kăp g^t nhen: Xung, xăng, tơmo pat, hơdrei, tơmam ot păng dôm kơcheh tơmam pơchăh đei bơ\ hăm tơmo, teh lân [uh, jing dôm tơmam yua lơ\m hnam ăh chăl xơnăm kră yua tơmam tơmo, pơtơm yua tơmam drăm mam đunh kơ âu pơhlom 3000 – 4000 xơnăm.

Xơkơ\t găh dôm tơmam xo âu, [ok Trần Quang Năm, Kơdră anih jang hơlen ako\m, Anih pơdăh tơmam xo Đak Lak akhan “Tơmam xo âu lơ mă lei tơm noh bơ\ hăm tơmo hơrăng nhen Opal, Silic... păng tôm tơmam pơm jang hlôi đei pat kơnhă tôm. Kơjă tơmam xo âu ưh x^ găh kơxo# to\ xe\t dăh mă lơ, mă oei ăh tơdrong lơ găh um ai, tơmam bơ\ hăm tơmo. ‘Nâu jing minh lơ\m dôma nih kăp g^t vă dôm bơngai jang hơlen tơmam xo hơlen băt găh gru grua kơ yă [ok xơ\ tơ\ tơring Teh Chư\ Amung”.

Duch Hoàng Thị Tuyết – Kơdră hnam trưng  THCS Hoàng Văn Thụ, xăh Chư\ Amung ăn tơbăt: Yuơ tơmam pơtho oei tơnap tap, mă hăt noh hăm minh hnam trưng ‘nao tơ iung pơjing tơ\ tơring ataih yaih nhen Chư\ AMung, noh tơdrong hơmet tơmam ‘măn pơtho pơhrăm jing kăl hloh.  Hăm tơdrong tơnăp chă ako\m tơmam kră xơ\ đơ\ng thây Hoàng hlôi tơgu\m tơnăp ăn tơdrong pơtho môn lịch sử, tơgu\m ăn ho\k tro hlôh vao [ai ho\k kơtă tơ\ lăm, tơ iung đon băt tơnăp hăm tơdrong hơlen akom tơmam kră xơ\: {ok thây Hoàng jing thây pơtho đei đon bơnôh dơnưp păng rơgei. Xư hơnơ\ng hơlen io\k yua dôm trong pơtho ho\k ‘nao vă tơgu\m ăn ho\k tro [ônh ho\k vao. Lơ\m tơdrong pơtho, thây Hoàng hlôi chơ chă ako\m dôm tơmam kră xơ\ tơ\ Chư\ Amung păng tơmơ\t lơ\m lăm pơtho, pơm ăn ho\k tro lăp ho\k hloh păng tơnăp hloh lơ\m tơdrong ho\k pơhrăm.

Ưh adro# răk vei dôm tơmam ako\m đei pơdăh tơ\ lăm đo\k hơlen kơ hnam trưng vă pơm tơmam pơtho ho\k, [ok thây Lê Văn Hoàng oei axong ăn Anih pơdăh Đak Lak hloh 50 tơmam kră xơ\ vă pơdăh, ‘măn ăn tơdrong ho\k hơlen.

{ok thây Hoàng ăn tơbăt, gô pơtoi tơdrong chơ chă ako\m, atu\m hăm noh hăt hot jang atu\m hăm Anih pơdăh tơmam xo Đak Lak tơle\ch chă hơlen ako\m tơmam kră xơ\ lơ\m khei năr truh: Tây Nguyên jing minh tơring teh kăp g^t hăm tơdrong chă hơlen ako\m tơmam kră xơ\, tơdrong mă inh hơpơi noh adrin chơ chă păng jang hadoi hăm dôm anih juăt jang vă xơkơ\t kơjă kơ dôm tơmam xo tơ\ âu vă tơmơ\t hơnăn tơring tơmam kră xơ\ Chư\ Amung lơ\m hơnăn săch yăo khoa.

Pơtho ho\k tơ\ xăh ataih yaih nhen Chư\ Amung, apu\ng Ea H’Leo, dêh char Dak Lak, lơ\m khei năr oei tơnap tap, kơ[ah tôm tơdrong, mă lei hăm tơdrong tơnăp hơlen ako\m kơ tơmam kră xơ\, [ok thây Lê Văn Hoàng hlôi ako\m đei lơ tơmam xo kăp g^t. Tơdrong mă noh hlôi pơdjoi ăn đe ho\k tro tơnăp hloh hăm tơdrong ho\k môn lịch sử, atu\m hăm noh hơmet ako\m lơ tơmam drăm xo kăp g^t ăn Anih pơdăh tơmam xo dêh char Đak Lak vă ‘măn ăn tơdrong ho\k hơlen. Tơdrong jang âu đơ\ng [ok thây Lê Văn Hoàng noh tơgăl kơ pôk bơnê.

Lan chih păng rapor