VOV4.Bahnar - Nge# nhơ\n Đinh Uých (bơngai Bahnar) tơ\ xăh Pờ Tó, apu\ng Ia Pa, dêh char Gia Lai jing bơngai dăp đon dăp bơnôh hăm joh ayo\ ch^ng chêng. Xư jing bơngai ưh adro# rơgei găh tôn ch^ng chêng mă oei hơmet ch^ng chêng tôch rơgei, păng dăp đon pơtho ăn đe hơ ioh hloi.

Jo# truh dang ei, Đinh Uých tơ\ thôn 3, xăh Pờ Tó, apu\ng Ia Pa, dêh char Gia Lai hlôi đei 15 xơnăm kloh kle\ch găh pơtho tôn ch^ng chêng păng 7 xơnăm hơmet ch^ng chêng. Lăp kơ ch^ng chêng đơ\ng oei ‘la#p, ‘nho\ng hlôi kiơ\ kră pơlei ho\k tôn ch^ng chêng đang kơ noh chă ho\k hơlen kơdih. To\k 16 xơnăm, ‘nho\ng hlôi kloh kle\ch găh tôn ch^ng chêng xo păng jing bơngai kăp g^t lơ\m khul tôn ch^ng chêng kơ pơlei.

Hăm tơdrong mă ch^ng chêng roi năr roi hiơt hiong, xơnăm 2011, tơdrong jang hơmet joh ayo\ ch^ng chêng đei [ôh lang xă. Apu\ng Ia Pa, xăh pơih lăm pơtho tôn ch^ng chêng ăn đe tơdăm đe hơ ioh kơtă lơ\m pơlei. Hăm tơdrong rơgei păng kloh kle\ch ako\m đei, ‘nho\ng Uých đei hơvơn pơtho tôn ch^ng chêng. Lơ\m 1 khei ăn rim lăm ho\k, ‘nho\ng pơtho dôm tơdrong kăp g^t hloh lơ\m tơdrong tơm tôn ch^ng chêng, trong pơdăh vă đe oh klưh lăp, pơ ư pơ ang păng răk vei tơdra juăt jue kon kông po. Truh dang ei, ‘nho\ng Uých hlôi kơtă pơtho 7 lăm ho\k tôn ch^ng chêng yuơ xăh pơgơ\r. Dôm bơngai klưh lăp, kơdih năm tơchă Uých vă ho\k tôn ch^ng chêng.

Gơnơm đei bơngai “pơdjoi đon lăp” nhen Uých mă tôm tơdăm đe hơ ioh tơ\ thôn 3 adoi băt tôn ch^ng chêng. Khul chêng kơ thôn dang ei đei hloh 30 ‘nu hơnơ\ng pơdăh lơ\m dôm tơdrong ako\m kơ pơlei pơla. Xơnăm 2019, khul đei jơnei mă [ar lơ\m ‘măng Pơlong joh ayo\ tơplo\ng kơdâu kon kông yuơ apu\ng pơgơ\r.

Xơnăm 2013, ‘nho\ng nơnăm ja#p apu\ng, xăh tơje# vă ho\k hơlen tơdrong hơmet ch^ng chêng đơ\ng lơ nge# nhơ\n. Ho\k tơdrong jang kloh kle\ch, ‘nho\ng kơdih năm tơchă hơmru\k ch^ng chêng răm vă chă hơmet. Gơnơm đei tơpang ti gơh rơgei păng đon kloh kle\ch hăm tơdra hri, ‘nho\ng Uých hlôi jing bơngai hơmet ch^ng chêng đe măh ư ang lơ\m tơring. Rim pơlei pơla, xăh đei chêng răm noh ‘nhăk truh tơ\ xư hơmet gu\m.

            Xăh Pờ Tó, apu\ng Ia Pa, dêh char Gia Lai đei 9 thôn, pơlei; rim pơlei răk vei  đơ\ng 1 truh 2 hơmru\k ch^ng chêng. Vă vei răk tơ[ăk mong cham char joh ayo\ ch^ng chêng, dôm xơnăm tơje# âu, Anih vei lăng kon pơlei xăh hlôi pơih lơ lăm pơtho ch^ng chêng ăn khul tơdăm đe hơ ioh lơ\m tơring. {ok Trần Văn Hiếu-kang [o# Joh ayo\ - Tơpôl xăh Pờ Tó ăn tơbăt: “Nge# nhơ\n Đinh Uých jing bơngai tơgop lơ lơ\m tơdrong vei răk tơ[ăk mong cham char joh ayo\ ch^ng chêng. Atu\m hăm vang chă pơtho tôn ch^ng chêng ăn kon xâu, ‘nho\ng oei jing bơngai kloh kle\ch găh hơmet ch^ng chêng. Hơmru\k ch^ng chêng yơ mă nơ\r re chring chrông noh xư dăp đon hơmet ăn. ‘Nho\ng Uých tơpă jing bơngai tôch gơh rơgei kơ pơlei pơla”.

Lan chih păng rapor