VOV4.Bahnar - ‘Meh vă jơva ching chêng ang bang ling lang lơ\m rim bơbu\ng hnam kơ pơlei pơla, [ok Rơ Chom Luyên (oei tơ\ pơlei Dăng, xăh Ia O, apu\ng Ia Grai, Gia Lai) răk vei păng ‘mêm kơ ching chêng nhen mu\k tơmam g^t. Hăm [ok, ching chêng ưh adro# tơmam pơre tơdra juăt jue mă oei jing tơdrong pơ ư pơ ang, jing pơhngol kơ kon pơlei Jarai.

Nhôn năm tơchă truh hnam [ok Rơ Chom Luyên ăh kơxơ\ ‘năr je# huăng. {ôh đe truh păng apinh ‘meh lăng ching chêng, [ok Luyên trơ treh kơ\l akhan: “Ching chêng đơ\ng chăl yă [ok inh răk ăn. Inh pơtho păng vă răk ăn kon xâu, ăn kon pơlei inh đe\ch, ưh kơ đei te\ch ăn đe nai ôh”.

{ơ\t băt nhôn noh bơngai chih kơtơ\ng ang, [ok tơblang: Khei năr tơje# âu, đei lơ bơngai đơ\ng tơring ataih hơnơ\ng truh apinh răt 2 hơmru\k chêng g^t hăm kơjă kăp, mă lei [ok ưh đei te\ch. Tơroi đang, [ok hăt hot xut pơ ‘nguaih rim to\ chêng ‘nao đei ‘măn tôh lơ\m ‘năr et brư\ kơ pơlei ‘nao âu xơ\, muh măt [ok [reo tơdrong chơt hơ iă tơnap vă tơblang.

{ok Rơ Chom Luyên xơnăm âu 66 xơnăm mă lei đei hloh 50 xơnăm tơguăt hăm ching chêng. Jơva chêng ang bang kiơ\ [ok đơ\ng ‘nao rơneh truh tơ\ tih vơ\ djơ\ ‘lơ\ng kiơ\ dôm [ai chêng et xo\ng [a ‘nao, et brư\, et pơkong...

Lơ\m tơdrong erih hrei âu, pơngơ\t găh um ai joh ayo\ juăt jue âu roi hiơt hiong, [ok atu\m hăm rim bơngai ‘lo\ lơ\m pơlei hơnơ\ng pơtho akhan, hơlêm păng pơtho ăn khul mơlôh pơhrăm tôn ching chêng. Lai yơ đei et xa, lêh ako\m lơ\m pơlei, lơ\m tơring, rim to\ chêng kơ rim unh hnam adoi đei ako\m minh anih, hăm tơdrong pơgơ\r đơ\ng bơngai chơng tơdra Rơ Chom Luyên noh jơva chêng ang jơva tăp dăr jơmu\l unh oei khơ\ng.  

“Rim bơngai kon kơ tơring bri kông Tây Nguyên noh adoi gơh tôn ching chêng. Kơlih, jơva ching chêng noh jơhngơ\m, xe\ch pham kơ kon pơlei Jarai ngăl. Inh chơt hơ iă yuơ minh [ar ‘nu tơdăm lơ\m pơlei hlôi băt hơdăh păng lăp ho\k tôn ching chêng păng rơchăm”- [ok Rơ Chom Luyên tơroi.  

{ok Puih Lợi – Pho\ kơdră Anih vei lăng kon pơlei xăh Ia O ăn tơbăt: pơlei Dăng đei lơ hơmru\k chêng hloh xăh Ia O hăm 86 hơmru\k, lơ\m noh đei 32 hơmru\k chêng g^t. Vă vei răk kơxo# ching chêng âu gơh oei hrong nhen dang ei noh athei băt truh bơngai nhen [ok Rơ Chom Luyên. {ok đei lăng jing minh lơ\m dôm bơngai băt tôn chêng rơgei hloh tơ\ xăh. Atu\m hăm noh, [ok oei băt hơmet pơ ‘lơ\ng tơdra chêng păng pơtho ăn kon xâu mơlôh hrei âu.

Dôm bơngai đei đon băt hăm ching chêng nhen [ok Luyên noh kăp g^t tơpă păng tơgăl kơ pôk bơnê. Dang ei xăh Ia O hlôi pơkăp vă pơgơ\r pơlong tôn ching chêng tơ\ pơlei Lân (xăh Ia O) hăm tơdrong vang ako\m đơ\ng lơ khul ching chêng truh đơ\ng dôm pơlei pơla lơ\m xăh. ‘Meh vă âu gô jing cham pơhiơ\ tơroh đon lăp, đơ\ng noh vei răk tơ[ăk mong uma i ‘lơ\ng ro\ juăt jue kơ kon pơlei Jarai.

Bơngai tơblơ\: Lan