Jăl jang 2021–2025, dêh char Lâm Đồng akŏm khul jang, hơgrop tơdrong jang pơjing tơdrong jang lơ̆m rim tơdrong jang khoa hŏk kmăi kmŏk păng tơplih kơsô̆. Trong jang ou hlôi hơvơn đei hloh 1.600 trong tơchăr, tơdrong vă jang vang năm pơlong. Pơtôch, 170 tơdrong vă jang đei drơ̆ng nơ̆r tơdrong jang ‘lơ̆ng dêh char, akŏm lơ̆m rim tơdrong jang tơm dơnơm nhen choh jang sa kmăi kmŏk hơgei, pơm tơlĕch tơmam drăm choh jang sa păng jang tơmang pơhiơ̆ mơdro sa. Lơ trong jang ‘lơ̆ng hơ iă Lâm Đồng vang pơlong păng iŏk đei tơmam hơpăh lơm ‘măng pơlong pơjing tơdrong jang lơ̆m tơring, lơ̆m teh đak. Ƀok Võ Thành Công, Kơdră chĕp pơgơ̆r Hơnih vei lăng bơ̆ jang Khoa hŏk păng Kmăi kmŏk dêh char Lâm Đồng tơbăt, rim tơdrong jang pơjing Tơdrong jang păng tơgŭm djru pơjing tơdrong jang tơ̆ dêh char tŏk bŏk đei tơlĕch lơ trong jang tĕnh koăng.