Dôm bơngai tang măt akŏm pơma dơnuh, hơlen lăng tơdrong pơgơ̆r păng bơ̆jang đơ̆ng khŭl jang pơtrŭt choh jang sa tơpôl đơ̆ng rŏng kơ ưh pă đei apŭng, khŭl jang pơtrŭt choh jang sa tơ̆ tơring đei proh hơmet dơ̆ng. Lơ nơ̆r tơgop tơƀôh rơđăh, tơdăh ưh kơ jăh jang đang trong jang hơdai, vei sơđơ̆ng jên jang trŏ lăp, tơdrong jang pơtrŭt choh jang sa tơpôl đei hơmơt kơtĕch, mơmat hơtŏk hơnăp jang pơm gơng tơƀưh đơ̆ng kon pơlei jang chŭn mir, hơp tak xăh păng anih mơdro sa.

Pơma pơtôch hop akŏm, Kơdră Anih pơtrŭt choh jang sa Teh đak Lê Quốc Thanh pơma hơdăh athei tơplih ‘nao đon tơchĕng pơtrŭt choh jang sa kiơ̆ trong mŭk drăm choh jang sa, iŏk anih tĕch mơdro pơm trong vă jang, iŏk jơnei păng iŏk yua đơ̆ng kon pơlei jang chŭn mir pơm ‘long rek pơtŏ, tơgŭm kon pơlei jang chŭn mir gơh băt tơchĕng tĕch tơmam iŏk đơ̆ng ƀơ̆t pơtơm pơm tơlĕch.