VOV4.Bahnar - Kiơ̆ đơ̆ng Dơnŏ anĭh vei lăng jang pơgang dêh char Dak Lăk chĭh jô̆, lơ̆m akŏp 325 ‘nu bơngai jĭ Covid-19 đei ăn brŏk đơ̆ng hnam pơgang mư̆h hơmet klăih lơ̆m khei năr au ki, đei ƀô̆h dơ̆ng 20 ‘nu tơpŏh hơlơ̆k sơmach jĭ SARS –CoV -2 đei ƀô̆h lơ̆m pơlei tơm Buôn Ma Thuột păng 5 apŭng ‘nŏh Buôn Đôn, Ea H’leo, Krông Bông, Cư Kuin păng Ea Kar. Lơ̆m au, apŭng Cư Kuin đei măt bơngai tơpŏh hơlơ̆k dơ̆ng lơ hlŏh hăm 5 ‘nu bơngai. Mă kăl lơ̆m kơsô̆ au đei 1 ‘nu oei tơ̆ tơring Ea Wer apŭng Buôn Đôn jĭ hơlơ̆k dơ̆ng păng tơpŏh tơ̆ 1 ‘nu bơngai lơ̆m ŭnh hnam. Ƀak si Châu Đương, Kơdră chĕp pơgơ̆r Hnam pơgang hơmet jĭ Hiĕn hiang păng jĭ Tơsŏh dêh char Dak Lăk tơbăt, kiơ̆ nơ̆r pơtho tơbăt đơ̆ng Dơnŏ anĭh tơm vei lăng jang pơgang, dôm bơngai au tơdăh ư̆h kơ khăm hơlen dơ̆ng mă bơngai jĭ oei đei sơmach jĭ kơtang ‘nŏh gô tơpŏh kơtang tơ̆ pơlei pơla, chơ ba năm tơ̆ hnam pơgang hloi vă hơnơ̆ng ming hơmet păng ăn oei hơdrô̆ kiơ̆ tơdrong tơchơ̆t.

Tơblơ̆ nơ̆r: Amazưt