VOV4.Bahnar  – Tơgop vă tang găn păng tơjră Covid-19 păng hơtŏk kơchăng lơ̆m tang găn păng tơjră pơrang jĭ đơ̆ng kon pơlei, 'năr brei (12/5), Kŏng ang phương Khánh Xuân, plei tơm Buôn Ma Thuột, Đăk Lăk, akŏm axong 10.000 tŏ che gom ƀŏ y tê̆, 250 kơchai đak pơgang pơlôch xơmach păng kơ hrĕng kơchai đak nhă ăn kon pơlei.

          Atŭm hăm axong che gom ƀŏ, đak pơgang ôp ti păng đak nhă, khul kŏng ang oei pơtho ăn kon pơlei chô̆ che gom ƀŏ mă trŏ ƀlep, pơtho kon pơlei hơnơ̆ng ôp ti hăm kơƀŏng, đak pơgang ytê̆; tơroi pơtho kon pơlei hơlen tơnăp tơdrong lang xă đơ̆ng pơrang jĭ lơ̆m tơdrong pơre nơ̆r tơpăt jue; pơm kiơ̆ tôm tong pơkăp 5K đơ̆ng Anih tơm Y tê̆. Tơ̆ dêh char Đăk Lăk, khei năr âu hlôi đei 2 'nu ƀơm jĭ Covid - 19, adoi tơ̆ plei tơm Buôn Ma Thuột. Tơdrong jang tang găn păng tơjră jĭ hlôi păng tŏk bŏk đei dôm jăl jăng tơ̆ dêh char tơlĕch jang kơjăp.

Lan chih păng pơre nơ̆r