VOV4.Bahnar - Lơ̆m 2 ‘năr 4 păng ‘năr 5/10, pơ lei tơm Buôn Ma Thuột dêh char Dak Lak hơ nơ̆ng đei ƀôh 9 ‘nu jĭ COVID -19 tam mă băt hơ dăh bơ ngai tơ poh lơ̆m tơ pôl. Lơ̆m kơ sô̆ 9 ‘nu đei ƀôh hơ len lăng ƀlep hăm jĭ SARS –CoV 2, đei 3 ‘nu tơ̆ phường Tân An, kơ sô̆ uơ oei dơ̆ng ƀơm truh bơ ngai jĭ tơ̆ xăh Hòa Thuận. Kăl kơ lăng truh ‘noh 3 ‘nu oei atŭm lơ̆m 1 unh hnam tơ̆ thôn 4, xăh Hòa Thuận, rim năr ngôi tơ jê̆ hăm lơ bơ ngai păng năm truh lơ hơ nih. Đơ̆ng dôm bơ ngai jĭ âu, khŭl jang kơ pal hlôi chă ƀôh dơ̆ng 3 ‘nu F1 test hrĕnh ăn ƀôh đei jĭ. Ƀơm truh hơ nih jĭ tơ̆ xăh Ea Kao đei chă ƀôh ‘năr 28/9 âu ki, khŭl jang kơ pal hlôi iŏk đak muh test hrĕnh ‘măng mă 3 ăn kon pơ lei tơ̆ plei Tơng Ju, păng chă ƀôh dơ̆ng 22 ‘nu đei jĭ SARS –CoV-2.

Thuem: Tơ blơ̆