VOV4.Bahnar - Kơ dră chĕp kơ̆l Anih vei lăng jang pơ gang dêh char Dak Lak tơ băt, tơ ring âu ‘nao đei dơ̆ng 1 ‘nu jĭ SARS –CoV-2 ƀơm truh anih jĭ pơ lei tơm Hồ Chí Minh. Bơ ngai jĭ âu ‘noh Đ.H.Đ, rơ neh sơ năm 1993, oei tơ̆ thôn Ea Duất, xăh Ea Wer, apŭng Buôn Đôn, dêh char Dak Lak. Đ. ‘noh kŏng nhân jang tơ̆ kŏng ti in bao bì Quảng Huy, hơ nih: 894 Quốc Lộ 1A, phường Bình Trị Đông A, quận Bình Tân, pơ lei tơm Hồ Chí Minh.

Dang ei anih jang pơ gang Dak Lak hlôi ăn oei hơ drô̆ akŏm păng iŏk pham hơ len lăng hăm 18 ‘nu ‘noh F1 kơ Đ. ‘Nâu jĭ dôm bơ ngai tơ ƀơ̆p Đ. tơ̆ jơ năr sư năm tơ̆ Hnam pơ gang xăh tơ roi tơ băt ăn khŭl jang pơ gang păng pơm test hrĕnh. Hnam pơ gang apŭng Buôn Đôn kŭm hlôi pơ gơ̆r prŭih pơ gang tơ̆ hơ nih mir hnam Đ. păng Hnam pơ gang xăh Ea Wer.

Thuem: Tơ blơ̆