VOV4.Bahnar - Jô̆ truh 4 jơ kơ sơ̆ ‘năr (30/7), dêh char Dak Lak đei 204 ‘nu jĭ Covid-19, tŏk 19 ‘nu pơ têng hăm năr hơ drol ‘noh. Kiơ̆ kơ tơ̆ng ang đơ̆ng Anih pơ gơ̆r tang găn jĭ COVID -19 dêh char Dak Lak, 19 ‘nu jĭ ‘nao chă ƀôh tơ̆ 7 apŭng, thi xăh. Lơ̆m ‘noh, pơ lei tơm Buôn Ma Thuột lơ hloh hăm 5 ‘nu păng hơ tŏk kơ sô̆ bơ ngai jĭ tơ̆ pơ lei tơm tŏk 40 ‘nu, dơ̆ng mă 2 lơ̆m dêh char, pơ rĕng đơ̆ng rŏng apŭng Cư Kuin hăm 55 ‘nu.

Dôm bơ ngai jĭ ‘nao đei chă ƀôh găh lơ đei pơ rang jĭ đơ̆ng pơ lei tơm Hồ Chí Minh păng dêh char Bình Dương dăh mă tơ poh đơ̆ng dôm hơ nih jĭ hlôi chă ƀôh hơ drol ‘noh. Thoi noh, akŏp đĭ đăng kơ sô̆ bơ ngai jĭ Covid-19 đei tơ̆ Dak Lak truh kơ plăh âu ‘noh 204 ‘nu, tơ̆ đĭ đăng 15 apŭng, thị xăh lơ̆m dêh char. Lơ̆m noh tŏk bŏk hơ met 197 ‘nu, 7 ‘nu đĭ klăih kơ jĭ păng tam mă đei bơ ngai lôch.

Thuem: Tơ blơ̆