VOV4.Bahnar - Kiơ̆ đơ̆ng Dơnŏ anĭh chĕp pơgơ̆r tang găn jĭ Covid-19 dêh char Dak Lăk, lơ̆m năr 4/8, lơ̆m dêh char jau đei dơ̆ng 24 ‘nu bơngai tơpŏh jĭ SARS-CoV-2 tơ̆ 9 apŭng, thĭ xah. Ea Kar ‘nŏh apŭng đei măt bơngai jĭ lơ hlŏh hăm 6 ‘nu bơgai; Kiơ̆ đơ̆ng rŏng ‘nŏh 2 apŭng Cư M’gar hăm Krông Pách, mĭnh apŭng đei 5 ‘nu bơngai; Thĭ xah Buôn Hồ hăm apŭng Buôn Đôn mĭnh tơring đei 2 ‘nu; Rim apŭng: Ea H’leo, Ea Súp, Krông Năng hăm Cư Kuin mĭnh apŭng 1 ‘nu.

Đĭ đăng dôm bơngai au đei ƀô̆h jĭ lơ̆m kon pơlei păng đei ƀơm đơ̆ng bơngai jĭ brŏk đơ̆ng pơlei tơm Hồ Chí Minh, dêh char Đồng Nai păng dêh char Bình Dương. Dơnŏ anĭh jang pơgang Dak lăk hlôi pơgơ̆r bơ̆ jang năm tơchă rim bơngai oei tơ jê̆ dôm bơngai jĭ au đei hlŏh 100 F1 vă khăm hơlen păng ba ăn oei hơdrô̆ akŏm. Jô̆ trŭh 5 jơ drung kơsơ̆ năr 4/8, dêh char Dak Lăk hlôi đei 307 ‘nu bơngai tơpoh jĭ SARS-CoV-2, lơ̆m au tŏk bŏk ming hơmet 300 ‘nu bơngai, 7 ‘nu bơngai hlôi klăih păng ư̆h kơ đei bơngai lôch.

Tơblơ̆ nơ̆r: Amazưt