VOV4.Bahnar  – Năr 29/9, đơ̆ng rŏng kơ băt đei 2 'nu tơ̆ xăh Ea Kao, plei tơm Buôn Ma Thuột test renh ƀơm jĭ SARS-CoV-2, anih jang y tê̆ Đăk Lăk hlôi tenh kuăng pơkăp tơring, chơ chă, iŏk hơlen dôm bơngai đei tơrĕk. Truh kơmăng atŭm 'năr, đei ƀôh dơ̆ng 17 'nu test renh ƀơm jĭ SARS-CoV-2.

Hơdăh noh ăh pơgê năr 29/9, ƀok Q.V.T păng hơkăn noh B.T.T oei tơ̆ thôn Cao Thắng, xăh Ea Kao, plei tơm Buôn Ma Thuột truh Hnam pơgang Đăi hŏk Tây Nguyên khăm jĭ. Tơ̆ âu, đơ̆ng rŏng kơ test renh đei băt pơđĭ bre yă ƀok adoi ƀơm jĭ SARS-CoV-2. Kiơ̆ tơdrong vih vơ̆t, đơ̆ng năr 17/9 truh năr 29/9, yă B.T.T păng ƀok Q.V.T jang mir tơ̆ pơlei Tơ̆ng Jŭ, akŏm pơma dơnuh hăm lơ bơngai tơ̆ lơ anih, lơ̆m noh đei minh anih jang y tê̆ păng anih tĕch ka phê... Pơm kiơ̆ trong pơkăp tang găn păng tơjră pơrang jĭ, khul kơpal hlôi pơkăp pơvei anih hnam oei păng mir kơ unh hnam Q.V.T atŭm hăm dôm anih mă bre klo hơkăn âu hlôi vih vơ̆t lơ̆m khei năr âu ki.

Lan chih păng pơre nơ̆r