VOV4.Bahnar - Lơ\m dôm năr blu\ng xơnăm ‘nao 2017, kon pơlei Sê-đăng, tơ\ Kon Hring, xăh Ea Hđing, apu\ng Chư\ M’ga, dêh char Dak Lak, oei pơgơ\r et xo\ng [a ‘nao, hơpơi ăn minh pơyan jang xa đei yua lơ, xơnăm ‘nao jơnap xo# xôn.

‘Nâu jing tơdrong et xa đei kon pơlei pơgơ\r ăh ‘năr blu\ng kơ xơnăm ‘nao dương lịch, păng đei pơtoi hơnơ\ng đơ\ng xơnăm 1994 truh dang ei.

      Tơdrong tơm kơ ‘năr et xa hăm [ai pơđơ\k kơ yang hơpang đơ\ng [ok kră pơlei A Sơn đei hrâu atu\m hăm jơva ching chêng păng tơdra hơxuang đơ\ng hơdruh tơdăm.

     Đang kơ noh, tôm kon pơlei tơ\ Kon Hring atu\m băl et tơdrô, xa ‘nhot kon kông po, hri hơxuang, pơxuh dôm tơdrong pơchơt... kơhret tơdrong tơguăt tơguăl, xơng minh xơnăm ‘nao, minh pơyan pơm jang ph^ tơto\ dơno\ ‘lơ\ng.

Lan chih păng rapor