VOV4.Bahnar - Đơ\ng ro\ng hloh mơj^t năr đei băt bơngai [ơm j^ đuh dăng hơlo\ng mă blu\ng, dang ei, tơdrong j^ âu hlôi [ôh băt tơ\ 5 lơ\m 15 apu\ng, th^ xăh, plei tơm kơ Đăk Lăk. Tơre\k hloh, dôm bơngai [ơm j^ [ăch hâu tơ\ Đăk Lăk noh đei hloi đe hơ ioh hlôi [et bơ\ng pơgang vaccine păng drăkăn oei hơnăp. Hăm tơdrong hơbuh hli hlơt đơ\ng pơrang j^ đuh dăng hơlo\ng, anih jang y te# Đăk Lăk hlôi tơle\ch lơ trong jang atu\m hăm tơdrong pơkăp vă pơgăn tơdrong tơpoh tơdrong j^ lơ\m tơpôl păng xơkơ\t ưh đei le# bơngai [ơm j^ đuh dăng hơlo\ng lôch răm. Vă băt hơdăh hloh găh tơdrong jang tang găn păng hơmet j^ đuh dăng hơlo\ng tơ\ dêh char Đăk Lăk, bơngai chih kơtơ\ng ang ăn Rađiô nơ\r pơma Việt Nam tơ\ Tây Nguyên hlôi tơjra#m pơma dơnuh hăm [ok Nay Phi La, Kơdră Anih jang Y te# dêh char Đăk Lăk.

- {ok ăi, hăm tơdrong hơbuh hli hlơt đơ\ng tơdrong j^ [ăch hâu noh anih jang y te# hlôi tơle\ch dôm trong jang thoi yơ vă tơjră hăm tơdrong j^ âu?

- {ok Nay Phi La:  “Hăm nơ\r pơkăp hăt hot noh tơjră pơrang j^ nhen tơjră ayăt, đơ\ng ro\ng kơ đei dôm bơngai [ơm j^ [ăch hâu, Anih jang y te# tơgu\m ăn Anih vei lăng kon pơlei dêh char găh hla bar pơgơ\r jang kơtă tơ\ dôm apu\ng noh tơle\ch pơgơ\r jang tang găn păng hơmet pơrang j^ păng pơkă hloi tơring pơlei pơla, kueng kơpho# mă đei [ơm tơdrong j^ păng tơle\ch chă hơlen tơdrong huch pơgang khang sinh bơ\ng j^ păng [et pơgang vaccine. Hăm tơdrong juăt jang noh nhôn hơvơn tôm anih jang y te# đơ\ng pơlei pơla vang jang chă hơlen [ôh băt păng anih jang y te# lơ\m tơdrong pơtho tơklăh oei pha păng pruih pơgang pơlôch xơmach păng mă kăl noh tơ\ hnam pơgang tơm dêh char truh tơ\ apu\ng hlôi ako\m đang tơdrong jang tang găn păng hơmet tơdrong j^. Tôm tơdrong athei pơm jang mă tơnăp tơtenh nhen kơmăi pơm jang.”

- Đei băt, Đăk Lăk hlôi đei 5 tơring đei bơngai [ơm j^ [ăch hâu. Lơ\m kơso# âu mă lơ noh tam mă [et vaccine bơ\ng j^. Tơdrong mă tơring tơm [et pơgang bơ\ng j^ hlôi đei Đăk Lăk pơđăp truh đơ\ng dôm xơnăm adrol ki, mă lei truh dang ei, ăh j^ [ăch hâu hơbuh hli hlơt noh tơdrong âu pơtơm đei tơle\ch jang hăt hot hloh, hăm [lep koh [ok?

- {ok Nay Phi La: “Tơdrong j^ [ăch hâu âu ‘nguaih kơ ưh đei [et pơgang păng [et pơgang bơ\ng j^ cho\ng mă ưh đei [et bơ\ng tôm noh dôm bơngai ưh đei [et pơgang tang găn hơnơ\ng kơ [ơm j^ lơ hloh păng j^ hlăm hloi, oei dôm bơngai [et pơgang bơ\ng j^ ưh kơ tôm nhen pơkăp păng ưh đei [et hơdrăp dơ\ng jing dôm bơngai ‘lơ\ng hơkâu mă lei hram xơmach j^ âu lơ\m hơkâu jăn. ‘Nâu jing tơdrong mă anih jang y te# pơngơ\t kơ đon. Hăm kơso# pơgang mă Anih tơm Y te# hlôi axong ăn dêh char Đăk Lăk, noh nhôn gô [et pơgang bơ\ng j^ ăn tôm kon pơlei păng duh tơle\ch [et tôm 2 ‘măng păng atu\m hăm noh duh tơbăt tơdrong jang [et pơgang bơ\ng j^ vă tơroi tơbăt ăn kon pơlei băt hơdăh păng kơdih năm [et pơgang bơ\ng j^. Mưh bơ\n ưh đei [et hơdrăp tôm pơkăp, noh tơdrong j^ đuh dăng hơlo\ng âu đunh lơ\m 2 – 3 xơnăm gô hơbuh hơlơ\k dơ\ng”

- O| ăh, nhen ih ‘nao tơroi truh tơdrong Anih tơm Y te# gô axong ăn Tây Nguyên 10 triu kơliêu vaccine tang găn j^ [ăch hâu, tơ\ Đăk Lăk gô đei io\k pơhlom 2 triu kơliêu vaccine. Thoi noh tơdrong [et pơgang vaccine bơ\ng j^ ăn kon pơlei gô đei anih jang y te# tơle\ch jang thoi yơ?

- {ok Nay Phi La: “Adrol hloh noh hăm thôn, pơlei, tơring kơdra#m mă đei hơbuh j^ [ăch hâu, noh nhôn axong ăn kon pơlei hcuh pơgang khang sinh păng [et pơgang bơ\ng j^ ăn kon pơlei tơ\ thôn, pơlei păng tơring noh. Hăm tơring tơje# noh nhôn chă hơlen, chih ako\m hơnăn păng pơtoi tơle\ch jang lơ\m ja#p dêh char păng hơvơn tôm bơngai jang đơ\ng anih jang y te# yư\ phong, anih jang y te# tơ\ tơring duh nhen hnam pơgang vang jang chă [et pơgang bơ\ng j^. Păng tơdrong [et pơgang bơ\ng j^ gô đei jang lơ\m 2 ‘măng, [et ‘măng mă blu\ng ‘mơ\i đơ\ng ro\ng noh 1 gie\ng athei [et bơ\ng ‘măng mă 2. Tơ\ âu ‘meh vă tơdrong [et pơgang bơ\ng j^ gơh hiôk hian noh athei đei tơdrong vang jang đơ\ng jơnu\m pơgơ\r tơring, mă kăl noh dôm bơngai pơgơ\r tơdrong kiơ\ lui ngua duh athei vang jang hadoi hăm anih jang y te# vă tơdrong jang tang găn păng hơmet j^ đei jơnei tơnăp.”

- O| ăh, minh tơdrong đei [ôh lơ\m chă tơle\ch jang tang găn, hơmet tơdrong j^ noh tơklăh oei pha hăm kon pơlei lơ\m tơring hơbuh j^. Tơdrong vei xơđơ\ng tơmam xa, đak nhă vă kon pơlei xơđơ\ng tơdrong erih lơ\m khei năr oei pha đei Đăk Lăk io\k jang thoi yơ [ok ăi?

- {ok Nay Phi La: “Hăm tơdrong j^ đuh dăng hơlo\ng mă lơ noh ako\m tơ\ tơring ataih yaih, tơring tơnap tap noh nhôn hlôi tơgu\m ăn Anih vei lăng kon pơlei dêh char pơkăl anih jang Măt tra#n Tôh kuôk, Anih jang ‘Long pơglang brê duh nhen dôm jơnu\m jang tơpôl, anih jang mu\k drăm vang jang hăm anih jang y te#.  Hơdăh noh anih jang y te# nhôn đei hla bar pơtruh pơkăl jang hadoi hăm dôm anih jang y te# tơ\ tơring, dôm bơngai jang ‘mêm bơnat vang jang chă hơlen pơkă tơring [ơm j^ duh nhen hơmet j^. Ke\ đei thoi noh [ơ\t bơ\n chă năm tơroi tơbăt noh kon pơlei [ôh hơdăh ‘nguaih kơ tơdrong vei lăng jơhngơ\m jăn truh tơdrong erih xa kơ kon pơlei noh đe ye\t tơgu\m ba jang tơnăp hloh.”

- Bơnê kơ ih [ok Nay Phi La hlôi axong jơ pơma dơnuh âu hơ.

Lan chih păng pơre nơ\r Bahnar