VOV4.Bahnar - Hơ met ăn tơ drong jang ƀet vắc xin bơ̆ng jĭ Covid – 19, pơ gê ‘năr 22/4, Anih vei lăng găh tơ drong jang pơ gang dêh char Dak Lak hlôi pơ gơ̆r pơ hrăm păng vei sơ đơ̆ng ‘lơ̆ng lơ̆m kơ plăh ƀet bơ̆ng ăn kơ 90 ‘nu kang ƀô̆ jang pơ gang găh rim hnam pơ gang apŭng/thị xăh/ pơ lei tơm kơ dêh char.

Lơ̆m jơ pơ hrăm ƀet vắc xin Covid-19

Tơ̆ lăm pơ hrăm, dôm bơ ngai hŏk đei pơ tho pơm trong tơ lĕch jang, pơ gơ̆r tơ drong jang ƀet vắc xin bơ̆ng jĭ Covid – 19; tơ roi tơ băt găh vắc xin Covid – 19; pơ tho yua, hơ len lăng hơ drol kơ ƀet vắc xin Covid – 19; pơ tho hơ met pơ ‘lơ̆ng kâp kư̆u blơ̆ pơ gang, vei sơ đơ̆ng ƀet bơ̆ng păng dăr hơ len tơ jră đơ̆ng rŏng ƀet bơ̆ng; hla ar ƀet bơ̆ng điên tư. Dang ei Dak Lak hlôi sơng iŏk 15.700 kơ liêu vắc xin Covid – 19 păng gô tơ lĕch jang ƀet ăn kơ 3 grŭp bơ ngai ‘noh jĭ dôm bơ ngai bơ̆ jang tơ̆ rim hnam pơ gang, bơ ngai vang jang tang găn jĭ hơ buh păng linh vei lăng tơ ring sơ lam, Kŏng an, anih jang Hải quan, Anih tơm pơ gơ̆r khŭl linh dêh char đơ̆ng ‘năr 27/4 truh ‘năr 7/5.

Thuem: Tơ blơ̆