VOV4.Bahnar - Pơ gê ‘năr 16/12, ƀak si Trần Thuận – Kơ dră vei lăng Hnam pơ gang apŭng Krông Búk tơ băt, lơ̆m apŭng ‘nao đei 5 ‘nu hŏk tro tơ̆ 3 hnam trưng hŏk jĭ SARS-CoV-2, lơ̆m noh đei 3 ‘nu hŏk tro hlôi đei hơ len lăng RT-PCR băt hơ dăh jĭ SARS-CoV-2. 2 ‘nu oh hŏk tro uơ oei dơ̆ng tŏk bŏk gô hơ len lăng măt băt hơ dăh. Tơ̆ hơ năp đei ƀôh krê hơ mơt đơ̆ng jĭ hơ buh, Hnam pơ gang apŭng Krông Búk hlôi tơ tĕnh tơ lĕch jang tơ chă, iŏk đak muh 300 ‘nu oh hŏk tro păng thây kô pơ tho đei ngôi tơ jê̆ hăm dôm đe oh hŏk tro lơ̆m apŭng.

Pơ tôch hơ len lăng test hrĕnh tă ưh kơ đei ƀôh jĭ SARS-CoV-2.Dang ei 3 hnam trưng hŏk đei hŏk tro jĭ Covid-19 hlôi pơ dơh kơ hŏk kơ tă. Hơ drô̆ dôm đe oh hŏk tro ‘noh F1 hlôi đei hnam trưng jang hơ dai hăm khŭl jang pơ gang tơ ring ăn oei hơ drô̆ tơ̆ hnam đei tơ drong vei lăng đơ̆ng mĕ ƀă hŏk tro.

Thuem: Tơ blơ̆