VOV4.Bahnar - Tơ̆ hơ năp đei ƀôh krê hơ mơt đơ̆ng jĭ Covid – 19 ƀơ̆t hơ nơ̆ng đei kơ sô̆ bơ ngai jĭ tŏk lơ lơ̆m dôm năr âu ki, Anih vei lăng kon pơ lei dêh char Dak Lak hlôi tơ chơ̆t pơ jing hnam pơ gang pơm pơ gia kơ sô̆ 2 vă hơ met bơ ngai jĭ Covid – 19.  Hnam pơ gang pơm pơ gia kơ sô̆ 2 găh Hnam pơ gang apŭng Cư Kui vei lăng, xă 1.500 tŏ giơng bơ ngai jĭ ƀĭch, pơm tơ̆ Hnam trưng Chĭnh trĭ dêh char Dak Lak tơ̆ kơ sô̆ 1 Nguyễn Lương Bằng, pơ lei tơm Buôn Ma Thuột.

Hnam trưng Chĭnh trĭ dêh char Dak Lak đei iŏk pơm hnam pơ gang pơm pơ gia

Tơ̆ âu gô hơ met, vei lăng, ăn oei hơ drô̆ bơ ngai jĭ đei băt hơ dăh jĭ Covid – 19 đei ƀôh jĭ păh lăp; iŏk, hơ met ăn bơ ngai jĭ păh lăp păng đei tơ drong jĭ đơ̆ng hơ drol; hơ met kâp kư̆u dôm tơ drong jĭ đei ƀôh plơ̆ng lơ̆m kơ plăh iŏk, hơ met bơ ngai jĭ păng đơ̆ng rŏng ‘noh jang kiơ̆ tơ drong chơ ba tơ̆ hnam pơ gang kơ pal kiơ̆ tơ drong hơ găt. Hnam pơ gang pơm pơ gia kơ sô̆ 2 gô pơ tơm tơ mơ̆t bơ̆ jang hloi đơ̆ng blŭng khei 11/2021.

Thuem: Tơ blơ̆