VOV4.Bahnar – Tơ\ dêh char Dak Lak, [ât ‘mi tih đak lơ\p âu ki, đak lơ\p rơ bâu to\ hnam păng dang 10 rơ bâu to\ đak kuay ‘me# ‘mach. Dôm năr ‘nâu, an^h jang pơ gang ku\m hăm dôm khul gru\p tơ\ tơ ring păng kon pơ lei Dak Lak oei hăt hơ met pơ ‘lơ\ng cham char, bơ\ jang dôm trong jang tang găn j^ jăn đơ\ng ro\ng kơ đak lơ\p.

Dơ\ng [ât bo#i mong đak oei kơ so\k, [ou tôch kơ ne# ‘nao [ôm io\k đơ\ng đak kuay, yă Tống Thị Nhất, tơ\ thôn 7, xăh Cư Yang, apu\ng Ea Kar, tơ tok: Đak kuay jru\ 7m, đei man hơ met ‘lơ\ng. Lơ\m ‘măng ‘mi tih gie\ng adrol ki, đak lo\k lơ\p mât lơ\m đak kuay, hnam nhôn pơm tôm tơ drong bơih mă lei đak oei [ou kơ ne# đe\ch.

Yă Nhất ăn tơ băt: “Hlo\h 3 năr ‘mi tih đak lơ\p, ‘no\h u\nh hnam thuê 2 to\ kơ măy [ôm, hăm 3 ‘nu tơ dăm kuay kôch hơ to\k đ^ v^, te\h dơ\k lơ\m đak kuay bơih, mă lei đak oei tôch kơ so\k păng [ou dêh, ưh kơ gơ\h yoa. Đơ\ng brei truh dang ei sư da [iơ\ mơ\n bơih, mă lei mưh rơ\ đak ‘no\h oei đei te\h dom tôch hơ [ơ\l tơ\ hơ la go\ đak che. Gô te\h jur tơ\ hơ la yoa ku\m ưh kơ gơ\h ‘năi, athei năm p^nh đak đơ\ng dôm u\nh hnam đei kơ thu\ng ming tơ\ hơ drơh kơ jung, vih tu\h lơ\m kơ thao, lơ\m go\ vă yoa, so\ nhă, pai xa, oei đak ‘nâu ‘no\h lăp vă hum nhao đe\ch. Mơ mat lơ lo\h ră, mă lei yoa ưh kơ đei đak nai dơ\ng, kơ na athei yoa yoăi đe\ch bơih, vă băt pơm lơ liơ dang ei.”

Đơ\ng ro\ng kơ ‘no\h u\nh hnam yă Tống Thị Nhất păng đe mih ma duch nă tơ\ thôn 7 đei đe kăn [o# đơ\ng Hnam pơ gang xăh Cư Yang [ơk ăn pơ gang cloramin B păng pơ tho tơ [ôh trong hơ met đak yoa.

Kăn [o# jang pơ gang xăh Cư Yang pơ tho ăn yă Tống Thị Nhất

yoa pơ gang cloraminB vă hơ met rơ go\h đak.

Lơ\m ‘măng ‘mi tih âu ki, xăh Cư Yang đei 8 pơ lei hăm hlo\h 1000 u\nh hnam răm kơ đak lơ\p. Thôn 15, thôn hơ tăih hlo\h kơ xăh, hăm 65 u\nh hnam bơ ngai Nùng erih xa tơ\ tơ ring sơ lam hăm apu\ng M’drak, đak tih lơ\p găn trong ưh gơ\h le\ch tơ\ nai. Đơ\ng ro\ng kơ đak hrơ\, kăn [o# jang pơ gang ku\m hăm kon pơ lei pơ gơ\r hơ met rơ go\h cham char vă tang găn tơ drong j^ tơ po\h.

{ok Nông Văn Sơn, {ok pơ gơ\r Thôn 15, xăh Cư Yang, ăn tơ băt: “Thôn 15 đơ\ng ro\ng kơ ‘mi tih đak lơ\p ‘no\h pơ gơ\r ăn kon pơ lei hơ met rơ go\h cham char, puih ako\m râm re\k ju\m dăr hnam, tơ le\ch trong pơ lôch hơ nge\nh, klanh vă tang găn j^ pơ lo\ sôt ret, pơ lo\ le\ch đe. Mă 2 ‘no\h trong pơ lei hlu\n, trôk rơ bơ\r ưh gơ\h yak, athei krao hơ vơn kon pơ lei vang hơ met. Dang ei đe kon sâu năm ho\k oei mơ mat dêh đe\ch, athei dar de\h, gô đei to\ 2, 3 năr kơnh te\h hre\ng ‘no\h bơ\n pơm hơ met trong dơ\ng.”

Tơ\ apu\ng Ea Kar ‘nao âu đei 10/16 xăh, th^ trơ\n hiong răm đơ\ng ‘mi tih đak lơ\p. Lơ\m no\h dêh hlo\h j^ 3 xăh Cư Yang, Cư Bông păng Ea Ô đei truh 5000 u\nh hnam răm kơ đak lơ\p păng 1 ‘nu bơ ngai lôch. An^h jang pơ gang hlôi [ơk 250 k^ pơ gang cloramin B hơ met rơ go\h đak yoa ăn kon pơ lei.

Găh tơ drong tang găn j^, vei lăng jơ hngâm pran ăn kon pơ lei đơ\ng ro\ng kơ ‘mi tih, đak lơ\p, [ak si Gia Luy, jang tơ\ Hnam pơ gang apu\ng Ea Kar, ăn tơ băt: “An^h jang pơ gang athei rim hnam pơ gang bơ\ jang prăt măng prăt năr, tơ le\ch trong dăr lăng, tơ jră hăm j^ jăn yoa đơ\ng ‘mi tih đak lơ\p. Tơ\ dôm pơ lei đei đak lơ\p ‘no\h pơ tho ăn kon pơ lei yoa pơ gang cloramin B vă hơ met pơ ‘lơ\ng đak, vei lăng jơ hngâm jăn. Mă 2 đei trong kơ chăng tang găn dôm tơ drong j^ đa đei đơ\ng ro\ng kơ đak hrơ\, nhen j^ măt [re, j^ klak chroh, j^ pơ lo\ le\ch đe, che\p yu\h…, atu\m hăm ‘no\h roi tơ băt lơ\m radio tơ\ tơ ring ăn kon pơ lei băt găh dôm tơ drong j^, mưh đei j^ athei năm tơ\ hnam pơ gang vă hơ met tơ tom.”

{ak si Phạm Văn Lào, Kơ dră che\p kơ\l An^h jang pơ gang tang găn tơ drong j^ dêh char Dak Lak, ăn tơ băt, ‘măng ‘mi tih đak lơ\p âu ki, đak lơ\p dang 10 rơ bâu to\ đak kuay kon pơ lei. Hơ dai hăm hơ met tôm tơ mam, pơ gang, pơ tho ăn kon pơ lei vei lăng rơ go\h cham char, dêh char oei [ok 600 k^ pơ gang cloramin B ăn dôm hnam pơ gang, chă tơ gu\m ăn kon pơ lei hơ met pơ ‘lơ\ng đak yoa. Dang ei lơ\m dêh char tam mă [ôh tơ drong j^ tơ po\h đơ\ng ro\ng kơ đak lơ\p ră. Mă lei, ưh gơ\h lăng pơ hơi, an^h jang pơ gang păng dôm khul gru\p tơ pôl tơ\ tơ ring ku\m hăm kon pơ lei oei adrin bơ\ jang dôm trong jang tang găn j^ tơ po\h.

Minh Huệ: Chih

Dơ\ng: Tơ blơ\