VOV4.Bahnar - Ƀok Trịnh Quang Trí, Kơ dră Anih vei lăng tơ drong jĭ jăn dêh char tơ băt, Anih jang hlôi sơng iŏk 400.000 kơ liêu vắc xin Vero Cell kơ Sinopharm. Hăm kơ sô̆ vắc xin ‘nao đei asong, Dak Lak gô ƀet tôm 2 jrŭm ăn kơ 200.000 ‘nu, hơ tŏ hăm hloh 10% kơ sô̆ kon pơ lei lơ̆m dêh char. ‘Nâu jĭ kơ sô̆ vắc xin lơ hloh đơ̆ng hơ drol truh dang ei mă Dak Lak iŏk đei lơ̆m ƀet bơ̆ng tang găn jĭ COVID-19.

Dak Lak tơ lĕch jang ƀet 400.000 kơ liêu vắc xin Covid -19ăn kon pơ lei

Kiơ̆ kơ ƀok Trịnh Quang Trí, lăng kiơ̆ lơ̆m tơ drong jĭ hơ buh lơ̆m dêh char, kơ sô̆ vắc xin âu gô tơ gŭm hơ drol ăn kơ rim hơ mơt lơ ‘noh: pơ lei tơm Buôn Ma Thuột, thị xã Buôn Hồ, apŭng Cư M’gar, apŭng Krông Búk păng 1 păh apŭng Cư Kuin. Rim anih jang nai gô đei klăih sơng vắc xin kiơ̆ kơ sô̆ măt kon pơ lei, vei sơ đơ̆ng dôm bơ ngai tơ gum hơ drol  lơ hloh kŭm đei ƀet lơ̆m ‘măng âu.

Thuem: Tơ blơ̆