VOV4.Bahnar - Dêh char Dak Lăk năr 24/11 hlôi sơng iŏk đei 64.250 kơliêu vaccine Comirnaty kơ  Pfizer-BioNTech kơ yuơ Dơnŏ anĭh tơm vei lăng jang pơgang ƀơk ăn vă ƀet ăn hơ iŏh đơ̆ng 12-17 sơnăm. Dêh char gô tơlĕch ƀet vaccine au lơ̆m khei 11 ‘nau.

‘Moi kiơ̆ vaccine đei ƀơk ăn, Dak Lăk gô pơgơ̆r ƀet ăn đe hơ iŏh đơ̆ng sơnăm ‘nglŏ năm tơ̆ ‘lơ̆p. Lơ lŏh hăm hlŏh 64.000 kơliêu vaccine đei ƀơk ău dêh char gô ƀet ăn đĭ đăng hŏk tro jăl pêng. Hơnĭh ƀet au đei ƀet tơ̆ rim hnam trương, hŏk tro kơ hnam trương ayơ gô đei ƀet tơ̆ hnam trương ‘nŏh, bơ̆ jang ƀet bơ̆ng sơđơ̆ng ƀlep pơkăp 5K găh tang găn jĭ Covid-19. Dang ei, Hơnĭh vei lăng jang pơgang Dak Lăk tŏk bŏk pơtho ăn ƀok thây pơgang rim hnam pơgang tơring găh trong ƀet vaccine ăn hơ iŏh ƀlep hăm nơ̆r pơtho tơbăt đơ̆ng Dơnŏ anĭh tơm vei lăng jang pơgang.

Tơblơ̆ nơ̆r: Amazưt