VOV4.Bahnar - Khul rôih hnam tơ\ Dak Lak pă đei lơ, dang ei oei pă 40 to\. Ka#m tơdrong chă hơnguang rôp pơhrăm rôih bri, păng rôih rong noh ưh kơ chông kon, noh pă đei đunh khul rôih rong tơ\ Dak Lak pơma adro#, Tây Nguyên pơma atu\m gô pă đei oei bơih. Lơ\m tơdrong pơngơ\t kơ đon găh hiong khul rôih hnam, dôm trong jang vă vei rong rôih to\k bo\k đei tơle\ch jang, mă blu\ng hlôi [ôh đei jơnei hơ iă.

{ok Y Mứ Bkrông tơ 'ngla rôih đei hơnăn Bang Nang tơ\ apu\ng Lăk, dêh char Dak Lak oei gô chang truh năr rôih chông kon. Kiơ\ hơlen pơkăp đơ\ng [ak sih găh kon tơrong kơ Anih jang vei rong hơdre\ch rôih Dak Lak păng Anih jang găh kon char kơmar Châu Á pơkăp hơbo\ rôih Bang Nang gô chông kon ăh je# khei 9 âu. Mưh keh kong, âu jing 'măng mă blu\ng đơ\ng ro\ng kơ 30 xơnăm đei rôih rong chông kon. 'Nâu đei lăng nhen minh tơdrong hơ iă kơ dôm bơngai jang găh vei rong rôih tơ\ Tây Nguyên dang ei. Kơdih rôih âu oei đei vei rong kăp g^t tơ\ tơring đei cham char hiôk 'lơ\ng, tro\ [lep hăm tơdrong hơto\k chêk lar hơdre\ch rôih. Găh jơhngơ\m jăn rôih Bang Nang dang ei, [ok Y Mứ ăn tơbăt: “Jơhngơ\m jăn rôih Bang Nang dang ei grăng 'lơ\ng. Dôm [ak sih găh kon char kơmar kơ anih vei rong to\k bo\k oei hơlen rim kơ năr, vei hơlen hơnơ\ng ưh kơ đei kơ[ah 'năr yơ hloi”

Atu\m hăm tơdrong vă hơlen vao ăn rôih rong chông kon, Anih tơm vei rong rôih Dak Lak hlôi do\ng keh kong 2 to\ rôih bri đei hơnăn krao Gold păng Jun. Rôih Gold [ơ\t 'nao 2 khei noh tơklăh rơvơ\ng đơ\ng yo\ng, đei do\ng erih [ơ\t huăng tơ\ hơlu\ng đak tơ\ apu\ng Ea Súp đunh kơ âu hloh 1 xơnăm, truh dang ei rôih Gold oei vơ\ pran lơ\m tơring axong oei đei tong ane# cham char bri.

Rôih Jun oei đei vei hơmet tơ\ anih rong rôih Dak Lak

Oei rôih Jun noh đei do\ng [ơ\t jơhngơ\m jăn ưh kơ grăng, jơ\ng rôih nhen vă kơte\ch đơ\ng xe\ch ôm yuơ [ơm hơkap đe be\t, đơ\ng ro\ng hơmet tơnăp atu\m hăm tơdrong tơgu\m đơ\ng dôm bơngai juăt jang teh đak đe noh jơhngơ\m jăn rôih Jun truh dang ei xơđơ\ng [iơ\ bơih. Atu\m hăm noh, đơ\ng “Tơdrong jang Kăl găh vei rong rôih dêh char Dak Lak truh xơnăm 2020” tơdrong jang hơvơn rim tơ 'ngla rôih hlôi đei io\k jang. {ok Huỳnh Trung Luân, Kơdră Anih vei rong hơdre\ch rôih Dak Lak ăn tơbăt: “{ơ\t tơle\ch dôm tơdrong jang vei rong hơdre\ch rôih noh tôm tơ 'ngla rôih tơ\ Dak Lak drơ\ng nơ\r tơgu\m nhôn io\k jang tơdrong jang âu, yuơ đei băt hơdăh, mưh pă đei oei rôih bơih noh Tây Nguyên gô hiong kơjă tih tên păng kơdih po unh hnam đe duh hiong minh păh tơdrong pơyua đơ\ng chă jang pơyua đơ\ng rôih âu, noh unh hnam đe jang kơjăp hăm nhôn lơ\m tơdrong vei rong, rim năr duh nhen đei pơrang j^, pơrăm truh jơhngơ\m jăn noh jang hadoi tơnăp hăm thây pơgang hơmet j^ ăn kon char kơmar tơ\ anih jang nhôn, vă chă hơmet j^ kơ rim to\ rôih”

Kiơ\ tơdrong hơlen, Dak Lak dang ei oei hloh 40 to\ rôih rong kron, lơ\m noh đei 25 to\ rôih yo\ng mă lei oei pă 7 to\ rôih yo\ng đe\ch oei ke\ chông kon. Tơdrong mă rôih yo\ng Bang Nang je# chông kon jing minh tơdrong đei jơnei lơ\m tơdrong adrin jang vei rong hơdre\ch rôih tơ\ Dak Lak lơ\m khei năr âu ki. Mă lei, vă tơdrong jang vei rong gơh đei jơnei tơnăp hloh dơ\ng, [ok Tuấn Bendixsen, Kơdră jang tang măt ăn Anih jang găh kon char kơmar Châu Á tơ\ Việt Nam akhan, tơje# hăm tơdrong vei hơlen kơjăp rôih bri păng rôih hnam, hơmet păng vei hơlen hơdre\ch kon char kơmar, tơroi pơtho kon pơlei băt jang kiơ\ [lep kơluơ\t pơkăp, hơlen tơnăp dôm tơdrong chă te\ch răt glăi pơla rôih păng tơmam lơ\m hơkâu jăn đơ\ng rôih noh Dak Lak athei jang tơnăp hloh truh tơ\ cham char, hơmet pơ 'lơ\ng jơhngơ\m jăn ăn khul rôih. {ok Tuấn Bendixsen ăn tơbăt:“Hăm dôm hơyak mă blu\ng thoi âu noh bơ\n athei hơmet pơ 'lơ\ng tơdrong erih ăn khul rôih dang ei. Rôih hnam noh je# kră ngăl, hloh kơ xơnăm ke\ chông kon, yuơ noh bơ\n athei pơdơh hloi tơdrong io\k yua hăm rôih kră kue. Athei pơtơm hơmet mưh bơ\n 'meh đei rôih ăn khei năr ano# anăp kơnh, noh bơ\n athei jang thoi noh ưh kơ đei trong jang yơ bơih, kơyuơ dang ei ja#p dêh char oei pă pơhlom 40 to\ rôih đe\ch”

 Rôih jing um pơtih joh ayo\ kăp g^t kơ Tây Nguyên, 'meh vă hăm dôm tơdrong adrin kơ 'nôh đơ\ng dêh char Dak Lak atu\m hăm tơdrong tơgu\m đơ\ng rim anih jang apu\ng plenh teh lơ\m tơdrong vei rong hơdre\ch rôih tơ\ Dak Lak gô tơgop hơmet hơto\k kơxo# rôih rong lơ\m khei năr truh.

Lan chih păng rapor