VOV4.Bahnar  – 'Năr brei (25/10), dêh char Đăk Lăk xơkơ̆t đei 167 'nu bơngai ƀơm jĭ SARS – Cov-2, lơ̆m noh apŭng Lăk đei kơsô̆ bơngai ƀơm jĭ lơ hloh hăm 53 'nu, plei tơm Buôn Ma Thuột 52 'nu, Krông Búk 28 'nu, Krông Ana 26 'nu.  Plei tơm Buôn Ma Thuột duh oei đei lơ anih hơbuh pơrang jĭ lơ̆m pơlei pơla.

Lơ̆m năr 25/10 đei truh 42 'nu ƀơm jĭ SARS-Cov-2 lơ̆m dôm tơring kon pơlei. Kiơ̆ ƀak sih Trịnh Quang Trí – Kơdră Anih jang Hơlen pơrang jĭ dêh char Đăk Lăk (CDC Đăk Lăk), dôm bơngai ƀơm jĭ mă lơ noh đei tơrĕk truh bơngai chôt vih đơ̆ng tơring hơbuh pơrang jĭ kơ dôm dêh char găh pơbăh. Anih jang Y tê̆ tŏk bŏk oei hăt hot chă hơlen test renh kơ rơbâu 'nu bơngai vă băt đei F0 lơ̆m pơlei pơla, tang găn pơrang jĭ tơpoh lang xă.

Lan chih păng pơre nơ̆r