VOV4.Bahnar - Pơ tơm bơ\ jang đơ\ng khei 9/2016, truh dang ei tơ drong jang “Pơ nhan por tơ\ tơ năr” đei tơ le\ch tơ\ hnam pơ gang Đa khoa dêh char Dak Lak, Hnam pơ gang Lao – tơ so\h dêh char Dak Lak tơ gu\m ăn kơ hre\ng ‘nu bơ ngai j^ păng ‘nho\ng o\h vei rong bơ ngai j^ đei por ‘nhot so\ng xa huei kơ hiong jên, tơ jur [iơ\ jên pơ huach lơ\m khei ‘năr khăm hơ met j^.

Đơ\ng năr truh hơ met tơ\ hnam pơ gang Lao – Tơ so\h deh char Dak Lak, năr yơ yă Nguyễn Thị Quốc, tơ\ xăh Ea Ral apu\ng Ea H’Leo, dêh char Dak Lak, ku\m đei [ơk ăn kơ ph^u “Pơ nhan por tơ\ tơ năr” vă io\k đe\ch por ‘nhot tơ\ kăn tin hnam pơ gang. Kơ jă đơ\ng 1 hlak kơ ph^u xa ‘no\h 25 rơ bâu, tơ gop ăn yă Quốc ‘mơ ‘met [iơ\ jên mưh hơ met đunh năr tơ\ hnam pơ gang.

Yă Nguyễn Thị Quốc tơ roi: “Inh mât tơ\ hnam pơ gang ‘năr 1 ‘no\h ‘năr 2 đ^ đei por đe song đe\ch bơih. {ât lăp ‘no\h mơ\h đơ\ng hnam chuơ, [ât lăp ‘no\h tơ drong jang tơ gu\m ăn, ‘năr dơ\ng yơ inh ku\m đei ngăl. Inh [ôh tôch hiôk jơ hngâm păng bơ nê kơ dôm bơ ngai đei đon ‘lơ\ng hlôi tơ gu\m ăn.

Asong đe\ch por ‘nhot khei ‘năr âu ki jing tơ drong tôch g^t kăl hăm bơ ngai j^ tơ nuh păng bơ ngai rong vei đe sư. Mo\ Hoàng Thị Nghĩa truh đơ\ng xăh atăih yăih Ea Rôk, apu\ng Ea Súp, dêh char Dak Lak, chơ kon năm hơ met j^ tơ\ hnam pơ gang Lao – Tơ so\h Dak Lak, pơ đou: “J^ kon inh thei hơ met đunh năr kơ na tôch huach jên. Hnam nhôn oei mơ mat tat. Đei dôm bơ ngai đei jơ hngâm đon ‘lơ\ng tơ gu\m ăn inh bơ nê dêh.”

“Pơ nhan por tơ\ tơ năr” j^ tơ drong jang tơ gu\m đơ\ng đe [ok thây pơ gang lơ\m dôm Hnam pơ gang tơ\ dêh char Dak Lak tơ le\ch. Trong pơ gơ\r jang ‘no\h io\k jên đei tơ ra tơ gop răt hơ met por ‘nhot tơ\ Kăn-tin lơ\m hnam pơ gang, đang kơ ‘no\h [ơk ăn bơ ngai j^, ‘nho\ng o\h vei rong bơ ngai j^ đei chih chư “Pơ nhan por tơ\ tơ năr”. Truh jơ so\ng xa, bơ ngai đei kơ ph^u năm truh tơ\ kăn-tin ‘no\h đei [ơk đe\ch ăn por so\ng hloi. Pơ têng hăm dôm tơ drong jang tơ gu\m nai, “Pơ nhan por tơ\ tơnăr” bơ\ jang tôch [ônh, ưh đei hiong lơ jơ năr pai por go\, chep ba dôm tơ mam xa ăn bơ ngai j^ kăl đei tơ gu\m, mă lăp kăl đei tơ drong jang hơ doi hăm kăn-tin lơ\m hnam pơ gang đe\ch, bơ ngai j^ gơ\h đei por so\ng ‘lơ\ng bơih.

Hrei ‘nâu, 1 khei đei 1.200 hơ nu\ng por ‘nhot đơ\ng tơ drong jang “Pơ nhan por tơ\ tơ năr” tơ gu\m đei kơ jă 30 triu hlak jên, tơ gu\m ăn bơ ngai j^, ‘nho\ng o\h vei rong bơ ngai j^ tơ nuh oei hơ met tơ\ hnam pơ gang Đa khoa dêh char Dak Lak păng Hnam pơ gang Lao – Tơ so\h Dak Lak.  Tơ drong jang ‘nâu đei vei kơ jăp kiơ\ đơ\ng 3 kơ so# jên tơ gop tơm ‘no\h: jên đơ\ng dôm khul gru\p, dôm bơ ngai đei đon ‘lơ\ng tơ gop, jên đơ\ng bơ ngai jang lơ\m khul tơ gop rim khei păng jên thu io\k đơ\ng gơ măng jo\h hơ ri “Blouse kok”.

{ak si Phạm Hòa Anh- Hnam pơ gang Đa khoa Thiện Hạnh, Kơ dră che\p kơ\l tơ drong jang “Pơ nhan por tơ\ tơ năr” tơ\ pơ lei tơm Buôn Ma Thuột, dêh char Dak Lak ăn tơ băt: “Pơ nhan por tơ\ tơ năr” đei [e\nh jơ hngâm đon ‘mêm ‘lơ\ng hơ iă nhen tơ drong tơ gu\m “Li che\h phe tơ\ tơ năr”. ‘No\h j^ bơ ngai io\k ưh kơ băt bơ ngai asong j^ bu, kơ na tơ mam ‘no\h j^ por so\ng bơ\n asong ăn đe sư, ưh kơ s^ asong gia la đe\ch, vă pơm thoi yơ bơ ngai j^ tơ nuh, đa đei đon hrơ kơ dơ\ mưh io\k por ‘nhot đe asong đe\ch, oei [ôh kơ dih kâu đei pơ vih pơ văn nhen dôm bơ ngai nai.”

Gơ măng jo\h hơ ri “Blouse kok” đei pơ gơ\r hơ nơ\ng 1 khei 1 vât vă krao hơ vơn đe vang tơ gop jên, hăm dôm bơ ngai hơ ri ‘no\h j^ đe y, [ak si păng dôm bơ ngai jang tơ gu\m ăn tơ drong jang ‘nâu. Gơ măng jo\h hơ ri ưh kơ đei te\ch ve\, bơ ngai lăng truh mơ\ng păng tơ gu\m jên mơ\ng kơ dih đei. Đ^ đăng kơ so# tơ gop đơ\ng gơ măng jo\h hơ ri đei gơih ăn tơ drong jang “Pơ nhan por tơ\ tơ năr”. ‘Nâu ưh lăp jing 1 an^h ngôi pơ chơt, an^h mă đe [ok thây pơ gang pơm pơ hơi jơ hngâm đơ\ng ro\ng kơ jơ năr bơ\ jang gle\h hrat đe\ch, mă gơ măng jo\h hơ ri blouse kok oei tuh tơ [e\nh jơ hngâm đon ‘mêm ăn dôm pơ nhan por ‘nhot đei tơ gu\m đe\ch ăn bơ ngai j^ tơ nuh dơ\ng.

Mỹ Hạnh - Quang Nhật: Chih

Dơ\ng: Tơ blơ\