VOV4.Bahnar – Kơtơ̆ng ang đơ̆ng Jơnŭm pơgơ̆r jang tang găn păng tơjră pơrang jĭ tơ̆ bơngai kơ dêh char Đăk Nông, 12 'nu bơngai tơrĕk tơjê̆ hăm bơngai jĭ 28474 (tơ̆ apŭng Krông Nô), hlôi hơlen pham păng pơkăp âm tĭnh 'măng mă 1 hăm trong hơlen pơkăp RT-PCR. Adrol kơ noh, pơgê năr 11/7, dêh char Đăk Nông băt đei bơngai ƀơm jĭ Covid 19 moh drăkăn kơsô̆ pơkăp 28474, oei tơ̆ apŭng Krông Nô, brŏk đơ̆ng plei tơm Hồ Chí Minh. Kơtă đơ̆ng rŏng kơ băt đei bơngai jĭ âu, anih jang y tê̆ Đăk Nông hlôi chă hơlen, chơ chă dôm bơngai tơrĕk tơjê̆, iŏk hơlen pham hăm dôm bơngai oei tơjê̆. Kiơ̆ tơdrong hơlen RT-PCR pham, đak muh kơ 12 'nu oei tơjê̆ hăm bơngai jĭ hlôi đei pơkăp âm tĭnh 'măng mă 1 hăm virus Sars-Cov-2. Dang ei jơhngơ̆m jăn kơ dôm bơngai âu xơđơ̆ng, ưh đei ƀôh pơlŏ, hien, tơnap kơ dui jơhngơ̆m păng tôm bơngai âu tŏk bŏk oei đei pơkăp oei tơklăh y tê̆ tơ̆ anih oei akŏm kơ apŭng Krông Nô. 

Lan chih păng pơre nơ̆r