VOV4.Bahnar – Năr (17/5), Anih jang Y tê̆ dêh char Đăk Nông ăn tơbăt, 4 'nu nhôm ƀơm jĭ Covid-19 tơ̆ plei tơm Gia Nghĩa hơlen pham noh âm tĭnh 'măng mă 2 hăm virus SASR-Cov 2. Adrol kơ noh, đơ̆ng rŏng kơ đei iŏk tơroi tơbăt găh bơngai jĭ kơsô̆ 3141 ƀơm virus SASR-Cov 2, Anih Hơlen pơrang jĭ dêh char Đăk Nông hlôi tơroi jâ̆p jang păng tơlĕch hơlen hăm bơngai chôt vih đơ̆ng tơring hơbuh pơrang lơ̆m dêh char. Đei iŏk kơtơ̆ng ang, unh hnam ƀok N.Đ.H (đei 4 'nu) oei tơ̆ phương Nghĩa Đức, plei tơm Gia Nghĩa hlôi năm truh tơring mă bơngai jĭ kơsô̆ 3141 oei, hlôi năm truh tơroi y tê̆ tơ̆ phương păng athei tơklăh oei pha. Pham iŏk hơlen noh đei pơkăp âm tĭnh 'măng mă 1 ăh năr 9/5. Truh dang ei, anih jang y tê̆ pơtoi iŏk pham hơlen păng dang ei adoi xơkơ̆t âm tĭnh 'măng mă 2 hăm Covid-19. Dang ei 4 'nu bơngai tŏk bŏk đei tơklăh oei pha păng đei hơlen jơhngơ̆m jăn kiơ̆ ƀlep pơkăp.

Lan chih păng pơre nơ̆r