VOV4.Bahnar  – Anih vei lăng kon pơlei dêh char Đăk Nông ‘nao tơbang Tơdrong jang găh akŏm pơjing anih pơgăn mơ̆t lĕch glăi đơ̆ng Campuchia lơ̆m tơring. Kiơ̆ kơ noh, Anih jang Y tê̆ đei xơnong pơgơ̆r, jang atŭm hăm dôm anih jang chă hơvơn anih, pơjing hnam pơgang tơdăng vă tang găn păng tơjră pơrang jĭ Covid-19 mưh đei tơdrong kăl. Anih jang Y tê̆, tơgŭm y tê̆ lơ̆m tơdrong pơm kiơ̆ tơlĕch hơlen, pơgăn tơ̆ trong xơlam păng dôm jăl trong 14, 28, jăl trong tih vă hơlen kơjăp bơngai mơ̆t lĕch gre vih vơ̆t đơ̆ng dôm dêh char. Atŭm hăm noh, pơtho pơm kiơ̆ tơnăp dôm ‘măng ƀet vaccine bơ̆ng jĭ Covid-19 vei xơđơ̆ng, trŏ kiơ̆ pơkăp đơ̆ng Anih tơm Y tê̆, Anih jang Y tê̆ jang atŭm hăm dôm anih jang tơrĕk hăm Anih vei lăng kon pơlei dêh char tơgŭm jên, tơmam drăm y tê̆, kơchăng tơgŭm dêh char Mondulkiri (Campuchia) lơ̆m tơdrong jang tang găn pang tơjră jĭ Covid-19.

Lan chih păng pơre nơ̆r