VOV4.Bahnar - Pơ gê ‘năr 11/7, dêh char Dak Nông đei bơ ngai tơ poh jĭ Covid-19 mă 2, jĭ kon pơ lei brŏk đơ̆ng pơ lei tơm Hồ Chí Minh. Bơ ngai jĭ 28474 ‘noh  T.T.M.H 22 sơ năm, oei tơ̆ xăh Đắk Sôr, apŭng Krông Nô, dêh char Dak Nông, bơ ngai jang kŏng ti pơ vih pơ văn tơ mang lăng tơ̆ pơ lei tơm Hồ Chí Minh. Lăp ƀơ̆t đei pơ tôch hơ len lăng, bơ ngai jĭ hlôi đei ăn năm oei hơ drô̆ păng hơ met tơ̆ hơ nih ăn oei hơ drô̆ hơ met jĭ Covid-19 kơ hnam pơ gang Krông Nô. Dang ei bơ ngai jĭ đei ƀôh lăp, hơ ving măt, ư̆h kơ hiĕn, ư̆h kơ yuh. Yak blŭng hlôi đei 12 ‘nu ngôi tơ jê̆ F1; 4 ‘nu F2; dang ei oei tŏk bŏk hơ nơ̆ng pơ̆ih să dăr hơ len tơ chă dôm bơ ngai đei ƀơm truh. Dang ei anih jang pơ gang Dak Nông hlôi pơ gơ̆r prŭih pơ gang tơ̆ rim hơ nih bơ ngai jĭ hlôi năm truh, pơ vang găn hnam kơ sô̆ 75, thôn Quảng Đà, xăh Đắk Sôr, apŭng Krông Nô, dêh char Dak Nông ƀơm truh bơ ngai jĭ.

Thuem: Tơ blơ̆