VOV4.Bahnar – Kơsơ̆ năr 2/8, tơ̆ anih pơkăp oei tơklăh hơmet jĭ Covid-19 kơ dêh char Đăk Nông, anih jang y tê̆ dêh char hlôi pơjao hla bar lĕch đơ̆ng hnam pơgang ăn 2 'nu ƀơm jĭ đơ̆ng rŏng kơ khei năr hơmet klaih.

Ƀar 'nu klaih jĭ 'măng mă âu noh bơngai jĭ kơsô̆ pơkăp 26004 Đ.Q.N. (rơneh xơnăm 1995, oei tơ̆ thĭ trâ̆n Krông K’mar, apŭng Krông Bông, dêh char Đăk Lăk) vơ̆r gre chơ tơmam đơ̆ng plei tơm Hồ Chí Minh vih truh plei tơm Buôn Ma Thuột (dêh char Đăk Lăk) ăh năr 8/7. Bơngai mă ƀar noh bơngai jĭ drăkăn kơsô̆ pơkăp 31604 C.T.Q (rơneh xơnăm 1966, oei tơ̆ thôn 7, xăh Đăk Wer, apŭng Đăk R’Lấp, dêh char Đăk Nông). Kiơ̆ pơkăp hơmet jĭ đơ̆ng Anih tơm Y tê̆, dang ei jơhngơ̆m jăn kơ ƀar 'nu âu hlôi xơđơ̆ng păng đei axong lĕch đơ̆ng hnam pơgang. Adrol kơ noh, dêh char Đăk Nông hlôi pơjao hla bar pơkăp lĕch hnam pơgang ăn bơngai jĭ drŏnglo 40924 V.H.L.E (rơneh xơnăm 1991, oei tơ̆ xăh Mỹ An, apŭng Chợ Mới, dêh char An Giang). Jô̆ truh kơsơ̆ năr 2/8, tdêh char Đăk Nông băt đei 89 'nu ƀơm jĭ Covid-19 tơ̆ 7 apŭng, thĭ xăh, tơring kơdrâ̆m.

Lan chih păng pơre nơ̆r