VOV4.Bahnar - Gơ măng ‘năr 16/7, dêh char Dak Nông đei dơ̆ng 1 ‘nu bơ ngai jĭ Covid-19. Bơ ngai jĭ drŏ nglo 44301 ‘noh L.H.D, rơ neh sơ năm 1988, oei tơ̆ plei Bu Boong, xăh Đắk N’Drung, apŭng Đắk Song, dêh char Đắk Nông. Lăp ƀơ̆t chă ƀôh bơ ngai jĭ khŭl jang kơ pal hlôi chơ bơ ngai jĭ hăm gre joăt kơ yua chơ bơ ngai jĭ năm tơ̆ hơ nih ăn oei hơ drô̆ hơ met Covid-19 kơ dêh char.

Hơ dai hăm ‘noh ăn oei hơ drô̆ hloi dôm bơ ngai jang iŏk pham hơ len lăng ăn bơ ngai jĭ tơ̆ hơ nih iŏk pham kơ Hnam pơ gang apŭng Đắk Song. Anih jang kơ pal tơ tĕnh dăr hơ len tơ chă đei 16 ‘nu bơ ngai ngôi tơ jê̆ păng hơ nơ̆ng tơ chă dôm bơ ngai đei ƀơm truh. Kŭm hăm ‘noh, khŭl jang pơ gang pơ gơ̆r prŭih pơ gang pơ đĭ hơ nih hnam oei bơ ngai jĭ, hơ nih iŏk pham hơ len lăng păng rim hơ nih bơ ngai jĭ đa năm truh lơ̆m 3 năr tơ jê̆ âu.

Thuem: Tơ blơ̆