VOV4.Bahnar - Ch^h jo# đơ\ng an^h jang pơ gang, 3 khei blu\ng sơ năm ‘nâu, lơ\m de#h char Dak Lak đei 229 ‘nu bơ ngai j^ pơ lo\ sôt ret, to\k hlo\h 2 ‘măng pơ têng hăm khei ‘nâu sơ năm sơ\, lơ\m no\h đei 1 ‘nu pơ lo\ sôt ret ác tính. Kiơ\ kơ an^h jang pơ gang tang găn j^ pơ lo\ sôt ret - ký sinh trùng-côn trùng de#h char Dak Lak, kơ so# bơ ngai j^ pơ lo\ sôt ret to\k lơ ‘no\h j^ yua đơ\ng sơ năm hơ drol pơ dui đunh păng hơ nơ\ng kơ to\k hăm tơ drong đei măt đơ\ng mur pơm tơ po\h j^; hlo#h vao đơ\ng kon pơ lei găh vei lăng, pơm rơ go\h kơ d^h păng cham char tam mă lơ; tơ drong jang hơ dai đơ\ng rim an^h jang, khu\l gru\p tơ\ tơ ring lơ\m tơ drong jang tang găn j^ pơ lo\ sôt ret tam mă đei bơ ngơ\t tru\h, an^h jang pơ gang ư\h kơ vei lăng đei kon pơ lei năm tơ\ bri, [^ch tơ\ mir păng kon pơ lei năm mơ\t le\ch tơ\ tơ ring sơ lam.

Thuem: Tơ blơ\