VOV4.Bahnar – Kơsơ̆ năr (20/10), Anih Hơlen pơrang jĭ dêh char Đăk Lăk ăn tơbăt: Lơ̆m tơring plei tơm Buôn Ma Thuột 'nao băt đei 17 'nu test renh ƀơm jĭ SARS-CoV-2 tơ̆ 2 tơring noh Tân Tiến păng Tân Lập. Lơ̆m 17 'nu ƀơm jĭ tơ̆ 2 tơring âu, đei 4 'nu oei tơ̆ trong Hồ Tùng Mậu, phương Tân Tiến iŏk hơlen PCR ƀôh ƀơm jĭ SARS-CoV-2.

          Kơtă ăh băt đei bơngai jĭ, khul jang kơpal hlôi pơkăp pơvei, tơlĕch xet ngĭm ăn hloh 1.000 'nu bơngai tơ̆ kueng 3 phương Tân Tiến păng băt đei 1 'nu dơ̆ng ƀơm jĭ SARS-CoV-2. 'Nguaih kơ noh, ăh pơgê năr (20/10), bre klo hơkăn tŏk bŏk oei erih tơ̆ hnam kơsô̆ 129 Ama Khê (phương Tân Lập) ƀôh lơ̆m hơkâu gleh lap noh năm truh anih jang y tê̆ khăm hơlen. Tơ̆ âu, tơbre âu đei iŏk xet ngĭm renh, păng băt ƀơm jĭ SASR-CoV-2. Tơrĕk truh pơrang jĭ Covid - 19 tơ̆ dêh char Đăk Lăk, lơ̆m năr (20/10), tơring hlôi xơkơ̆t đei dơ̆ng 35 'nu bơngai ƀơm jĭ Covid-19 tơ̆ minh ƀar apŭng, thĭ xăh lơ̆m dêh char.

Lan chih păng pơre nơ̆r