VOV4.Bahnar - Năr 27/9, Dơnŏ anĭh vei lăng jang pơgang dêh char Dak Lăk tơbăt đei 2 ‘nu bơngai lôch kơ yuơ jĭ Covid-19, hơtŏk măt bơngai lôch kơ yuơ jĭ Covid-19 pơm ăn tơ̆ dêh char trŭh 15 ‘nu.

Lơ̆m năr 27/9, Dak Lăk đei ƀô̆h 14 ‘nu bơngai ‘nao tơpŏh jĭ Covid-19

Kiơ̆ kơ ‘nŏh, bơngai mă blŭng ‘nŏh drŏ kăn 93 sơnăm oei tơ̆ thĭ trân Quảng Phú, apŭng Cư Mgar. Bơngai jĭ au đei ƀô̆h tơpŏh jĭ SARS-CoV-2 đơ̆ng năr 4/9. Đơ̆ng rŏng 21 năr ming hơmet, ăn dui jơhngơ̆m hăm kmăi, ƀet tơmơ̆t pham hơnơ̆ng tơ̆ hnam pơgang mă lei kơ yuơ jĭ ăl, jĭ tơsŏh, jĭ plei nuih, ư̆h gan đei jơhngơ̆m kơ yuơ sơnăm ‘lŏ kră ... kơna hlôi lôch. Bơngai mă 2 ‘nu bơngai drŏ kăn 67 sơnăm, oei tơ̆ phương An Bình, thi xăh Ƀuôn Hô. Đei ƀô̆h bơngai au jĭ SARS-CoV-2 đơ̆ng năr 16/9. Đơ̆ng rŏng 11 năr ming hơmet tơ̆ hnam pơgang kơ yuơ jĭ lơ tơdrong, jĭ tơsŏh, bek plên, bơngai jĭ hlôi lôch. Lơ̆m năr 27/9, Dak Lăk đei ƀô̆h 14 ‘nu bơngai ‘nao tơpŏh jĭ Covid -19.

Tơblơ̆ nơ̆r: Amazưt