VOV4.Bahnar  – Đơ̆ng chă test renh păng hơlen pham, pơgê năr 25/8, anih jang kơpal đei ƀôh 14 'nu tơ̆  thôn 7 xăh Cư Êbur, plei tơm Buôn Ma Thuột, dêh char Đăk Lăk ƀơm virus SARS –CoV-2 mă tam băt tơpoh đơ̆ng yơ. Tơdrong mă âu đei xơkơ̆t hăm hơlen RT –PCR yuơ CDC dêh char păng Viê̆n Vê̆ sinh dịch tễ Tây Nguyên iŏk jang.

Đơ̆ng rŏng kơ xơkơ̆t dôm bơngai ƀơm jĭ, jơnŭm pơgơ̆r tơring hlôi pơkăp pơvei tơring kơsô̆ 427 trong Y Moan, atŭm hăm noh jang atŭm hăm anih jang y tê̆ iŏk test renh ăn kon pơlei tăp dăr tơring âu. Thoi noh, lơ̆m 4 năr, plei tơm Buôn Ma Thuột hlôi ƀôh đei 2 anih hơbuh pơrang tơ̆ thôn 6 păng thôn 7 xăh Cư Êbur hăm 31 'nu ƀơm jĭ. Pơđĭ 2 anih hơbuh pơrang âu adoi tam mă băt tơm a tơpoh jĭ. Ƀôh thoi noh, anih jang y tê̆ plei tơm Buôn Ma Thuột gô pơih xă iŏk pơkăp test renh ăn tôm kon pơlei, vă tơklăh dôm  F0 đơ̆ng pơlei pơla. 

Lan chih păng pơre nơ̆r