VOV4.Bahnar - Tơ\ tơ ring găh Tu Tây Nguyên, hăm tơ drong pơ jing đei lơ Công ty, khul cho\h jang xa đơ\ng Binh đoàn 15 tơ gu\m ăn tơ drong erih xa, mu\k drăm tơ\ tơ ring sơ lam roi to\k, tơ drong pơm hnam pơ gang linh hăm kon pơ lei hơ dai đơ\ng Binh đoàn tơ\ tơ ring sơ lam oei hơ nhăk io\k yoa ‘lơ\ng lơ\m tơ drong vei lăng jơ hngâm pran, khăm hơ met j^ ăn kon pơ lei.

Mo\ Lê Thị Nhung, đơ\ng Thanh Hóa mât jang xa tơ\ plei Druh dăm năm jang, xăh Mang Mo Rai, apu\ng Sa Thầy, dêh char Kon Tum truh dang ei vă je# 10 sơ năm. Tơ\ tơ ring te\h sơ lam te\h đak hơ tăih hơ to\ âu, tơ drong khăm hơ met j^, vei lăng jơ hngâm pran oei tôch mơ mat. Yoa thoi no\h, vă je# 10 sơ năm ‘nâu, u\nh hnam mo\ Nhung tôch lui kơ Hnam pơ gang linh hăm kon pơ lei hơ dai đơ\ng Công ty 78, Binh đoàn 15. Kiơ\ mo\, khul [ok thây pơ gang tơ\ âu jang tôch tơ năp păng đei tôm kơ măy vă khăm hơ met j^ ăn kon pơ lei.

Mo\ Lê Thị Nhung, ăn tơ băt: “Rim ‘măng kon hơ ‘lơ\p dăh mă klo kăn măr nhi j^ jăn hơ nơ\ng năm tơ\ âu ngăl, [ak si khăm, ăn huch pơ gang. Tơ dăh j^ dêh ‘no\h 2-3 năr klăih, [ak si ăn vih, mưh j^ da [iơ\ ‘no\h [ak si gơ\t đơ\ng pơ gê truh kơ sơ\. O|h [ôh đe y [ak si tơ\ âu jang tôch tơ năp, tôch ‘lơ\ng. {ak si yơ ku\m vei lăng, pơ ma xa tôch rơ hau. Jên khăm ‘no\h ba khăm hơ met hăm [ao hiêm kơ na ưh đei hiong jên.”

Hăm kon pơ lei kon kông tơ\ tơ ring sơ lam Mang Mo Rai, tơ drong năm truh đơ\ng đe [ô đo#i jang mu\k drăm kơ Binh đoàn 15 păng tơ drong pơ jing hnam pơ gang linh hăm kon pơ lei hơ dai hlôi tơ gu\m ăn kon pơ lei hơ to\k đei tơ drong erih xa, hu\t le# dôm tơ drong juăt ưh kơ ‘lơ\ng. Mưh j^ jăn, mih ma duch nă ưh pă đei krao pơ jao sol, soi kơ yang kiơ bơih, tơ plih kơ ‘no\h, mih ma duch nă năm tơ\ hnam pơ gang vă khăm, io\k pơ gang hưch kiơ\ nơ\r pơ tho đơ\ng [ak si. Kơ lih thoi no\h jơ hngâm pran kon pơ lei đei vei lăng ‘lơ\ng [iơ\. Đei hnam pơ gang, đei [ao hiêm y te#, kon pơ lei da [iơ\ hiong huach jên năm khăm hơ met j^. Adrol sơ\, rim ‘măng j^ jăn athei yak truh kơ hre\ng km trong bri vă năm tơ\ hnam pơ gang apu\ng mă ưh ‘no\h dêh char, jên huach tôch lơ păng jing tơ drong trăp tr^n hăm kon pơ lei.

{ok A Dói, bơ ngai Rơ Mâm, {ok pơ gơ\r pơ lei Ler, xăh Mang Mo Rai, apu\ng Sa Thầy, dêh char Kon Tum, tơ roi: “{ô đo#i Binh đoàn 15 truh tơ\ âu, tơ gu\m ăn kon pơ lei lơ dêh. {ô đo#i tơ gu\m ăn kon pơ lei jang xa, pơm hơ to\k tơ drong erih, đang kơ ‘no\h tơ gu\m ăn kon pơ lei khăm hơ met j^. Gơ nơm thoi no\h mă kon pơ lei da [iơ\ mơ mat.”

Thượng úy Vũ Thị Minh Hiếu, Kơ dră che\p kơ\l Hnam pơ gang linh hăm kon pơ lei hơ dai Công ty 78, ăn tơ băt, mo\ hăm lơ bơ ngai jang đ^ đei 17 sơ năm bơ\ jang lơ\m hnam pơ gang tơ\ xăh sơ lam Mang Mo Rai. Dôm sơ năm ‘no\h, sư tơ gu\m ăn mo\ Hiếu ku\m hăm bôl boăl băt hơ dăh tơ drong mơ mat tat đơ\ng kon pơ lei tơ\ tơ ring sơ lam, mă loi j^ găh jang pơ gang, khăm hơ met j^. Yoa thoi no\h, mă đơ\ng bơ\ jang hơ tăih kơ hnam, tơ drong erih xa mơ mat tat, mo\ Hiếu ku\m hăm đe boăl hơ nơ\ng adrin đ^ jơ hngâm vă khăm hơ met j^ ăn kon pơ lei ku\m hăm kăn [o#, linh găh Công ty, Binh đoàn.

Thượng úy Vũ Thị Minh Hiếu, ăn tơ băt: “Tơ\ âu, mo\ o\h nhôn lơ\m hnam pơ gang tơ tă đơ\ng tơ ring găh tu mât ngăl. Mưh đ^ mât tơ\ Mo Rai bơih ‘no\h nhôn ku\m tôch ‘mêm, mơ nat kơ kon pơ lei tơ\ âu. Đơ\ng đon mơ nat, [ôh kon pơ lei tôch gle\h hrat mo\ o\h nhôn ưh đei bu khan bu, kơ dih kâu adrin ho\k pơ hrăm, kho\m bơ\ jang ke\h tơ drong jang đơ\ng kơ pal pơ jao păng đei kon pơ lei lui yom. Đơ\ng bơ\ jang tơ\ âu đei 17 sơ năm, kơ dih kâu inh ku\m nhen đe ‘nho\ng o\h tơ\ hnam pơ gang tôch ‘mêm kơ tơ drong jang.”

Thiếu tướng Đặng Anh Dũng, Yo\ng Binh đoàn 15 ăn tơ băt, tơ\ tơ ring sơ lam mơ mat tat, kon pơ lei blu\ng a ‘no\h kăl kơ ph^ tơ no\, jang xa đei [ôh. Hơ dai hăm ‘no\h j^ jang pơ gang păng ho\k chư, 2 tơ drong tôch kăl. 3 tơ drong ‘nâu, đei Binh đoàn pơ gơ\r bơ\ jang hơ nơ\ng lơ\m hlo\h 30 sơ năm âu ki io\k đơ\ng năr pơ jing. Hăm tơ drong tơ mât jên jang ‘lơ\ng păng đon jang tơ năp, truh dang ei, Hnam pơ gang linh hăm kon pơ lei hơ dai hlôi jing 1 lơ\m dôm tơ drong tôch hơ iă đơ\ng Binh đoàn mưh pơm lăp tơ drong ‘me\h vă khăm hơ met j^ đơ\ng kon pơ lei tơ\ tơ ring sơ lam.

Thiếu tướng Đặng Anh Dũng, pơ ma hơ dăh: “Nhôn tôch hơ iă, rim hnam pơ gang Binh đoàn đơ\ng Binh đoàn jur truh tơ\ khul cho\h jang xa đei hnam pơ gang vei lăng jơ hngâm pran, khăm hơ met j^, [ơk pơ gang păng tang găn j^ đơ\ng blu\ng hloi. Gơ\h pơ ma, tơ dăh ưh đei Hnam pơ gang linh hăm kon pơ lei hơ dai đơ\ng Binh đoàn tơ\ Công ty 78 ‘no\h ưh đei tom găn le# j^ klak chroh. Mưh [ôh đei j^ ‘no\h Binh đoàn đei nơ\r athei dôm an^h jang tang găn j^ đơ\ng blu\ng hloi, ưh ăn j^ tơ po\h xă”.

          Công Bắc: Chih

Dơ\ng: Tơ blơ\