VOV4.Bahnar - 51 xơnăm, nge# nhơ\n ching chêng Đinh Xuân bơngai Bahnar, oei tơ\ pơlei Mơr Hơra, xăh Kông Lơng Khơng, apu\ng K’bang, deh char Gia lai, đei kon pơlei lăng jing pơhngol ching chêng lơ\m tơring. {ok rơbot pơhlom 30 [ai chêng păng hloh 34 xơnăm pơtho tôn chêng ăn khul hơmuh hơmo\ng. {ok ako\m đei 2 khul tôn chêng ăn pơlei Mơr Hơra, lơ\m noh đei khul hơ ioh tôn chêng đei rơih năm pơlong tơ\ lơ tơring lơ\m ja#p teh đak.

Đơ\ng oei ‘la#p, Đinh Xuân lăp kơ tơdra ching chêng. Mưh tơ\ yơ đei et xa tôn chêng noh xư năm tơchă truh. Xư pơ ‘nam ho\k hơlen tôn chêng đơ\ng bơngai ‘lo\ xơnăm. Truh 17 xơnăm, Đinh Xuân hlôi gơh tôn kloh kle\ch lơ [ai chêng. Păng xư pơtơm pơtho ăn hơ ioh lơ\m pơlei ho\k tôn chêng. Păng hơnơ\ng thoi noh, tơdrong lăp kơ ching chêng hlôi hram lơ\m klak klơm xư. {ok tơroi “Ching chêng noh đon bơnôh inh. Mưh kơtơ\ng jơva ching chêng ang vang vơch noh pơm ăn kơ inh ưh kơ xu\k xan, jơ\ng ti athei hơxuang buang buay...” .

Lơ\m tơdrong erih dang ei, [ơ\t hăm lơ tơdrong mơ\ng lăng hri hơxuang ‘nao mơ\t hram lơ\m pơlei pơla, nge# nhơ\n Đinh Xuân pơngơ\t ching chêng kơnh gô hiơt hiong đe\ch. Yuơ noh ưh kơ kăl đe klă jên, [ok duh pơ ‘nam hăm tơdrong pơtho ăn kon xâu hăm tơdrong hơpơi noh: “Inh ‘meh tôm adoi băt tôn ching chêng, kơlih đơ\ng xơ\ yă [ok hơnơ\ng tơguăt hăm ching chêng. Tơdrong xo#, et xa adoi tôn chêng, tơdrong tơnuh he\cl xơ ‘ngon adoi yua ching chêng... Yuơ noh inh adrin pơtho ăn kon xâu dôm [ai chêng hơnơ\ng kơ yua”

Đơ\ng tơdrong lăp kơ po, nge# nhơ\n Đinh Xuân hlôi tơ iung jơhngơ\m khul hơmuh hơmo\ng Bahnar tơ\ pơlei Mơr Hơra lăp kơ ching chêng. Rim năr, bơngai ‘lo\, mơlôh atu\m pơhrăm tôn chêng, lơ\m noh đei lơ [ai chêng kră xơ\ tơnap kơ tôn nhen: Tơ Nơl, Tơ Rum, Kơ Ia… adro# tôn lơ\m tơdrong g^t đe\ch nhen et xa kơpô, et hơto\k rông... nge# nhơ\n Đinh Xuân tơroi:“Pơtho tôn chêng mă blu\ng noh tơnap. Ăh tam mă băt tôn noh pơhrăm ăn kon xâu 3 [ai đe\ch. Ăh gơh bơih noh pơhrăm [ai nai dơ\ng... Rim ‘măng pơtho ăn 15 ‘nu, dang ei kon mon băt chă tôn bơih, đei lơ [ai chêng hiôk. Ba athei pơhrăm hơnơ\ng, mă blu\ng 1 khei pơhrăm 2 ‘măng, [ơ\t đe oh gơh tôn bơih noh ho\k 1 khei minh ‘măng, đơ\ng ro\ng kơ noh 3 khei pơhrăm minh ‘măng, athei pơtoi hơnơ\ng noh mă ưh kơ hiơt... “

Tơdrong dăp đon dăp bơnôh đơ\ng nge# nhơ\n Đinh Xuân hlôi tơgop pơjing đei 2 khul tôn chêng tơ\ pơlei Mơr Hơra. Atu\m hăm noh, kơxo# bơngai băt tôn chêng tơ\ pơlei âu roi năr roi lơ, tôn hơto\ păng răk vei đei lơ [ai chêng kră xơ\. Yuơ đơ\ng tơdrong rơgei lơ\m tôn ching chêng, mă khul tôn chêng pơlei Mơr Hơra hơnơ\ng đei dêh char, apu\ng rơih năm pơdăh tơ\ lơ tơring lơ\m ja#p teh đak, păng tơje# âu hloh noh ‘măng pơlong tôn ching chêng Tây Nguyên 2017 tơ\ dêh char Dak Lak… Hăm nge# nhơ\n Đinh Xuân, [ok lăng noh jing tơmam hơpah tih hloh kơ tơdrong erih po. Oei kon pơlei Mơr Hơra noh chơt hơ iă păng băt ‘mêm kơ nge# nhơ\n gơh rơgei kơ pơlei. {ok Đinh Bơnh, chơt hơ iă tơroi: “Inh [ôh ‘nho\ng Xuân lăp kơ ching chêng đơ\ng oei ‘’la#p. Dang ei kră bơih mă lei duh oei lăp kơ ching chêng, hơnơ\ng hơlêm chă pơtho tôn chêng ăn khul hơmuh hơmo\ng vă chă tôn lơ\m tơdrong et xa, groong [u\, et hơto\k rông... vei răk joh ayo\ juăt jue kăp g^t kơ yă [ok xơ\”

            Tơdrong gơh rơgei đơ\ng nge# nhơ\n Đinh Xuân hlôi tơgu\m ăn lơ chăl bơngai tơ\ pơlei Mơr Hơra, xăh Kông Lơng Khơng, apu\ng K’bang, dêh char Gia Lai băt ‘mêm, vei răk tơ[ăk mong joh ayo\ kră xơ\ kơ hơdrung hơdre\ch. {ok jing bơngai dơnơm hơ ‘nhăk jơva ching chêng Mơr Hơra ang ja#p jang truh rim tơring kơ teh đak.

Lan chih păng rapor