VOV4.Bahnar - Đơ\ng sơ\ khơ\ dang ei, đơ\ng khei hơ tuch pơ yan tơ ngie\t tru\h khei blu\ng pơ yan pu\ih mak, ling lang jing khei pơ yan et sa kơ kon pơ lei kon kông Tây Nguyên. ‘Nâu jing pơ yan kơ dôm le#h, kơ tơ drong chơt hơ iă, kơ dôm tơ drong hơ pơi ‘me\h ‘lơ\ng hơ iă. 1 lơ\m dôm et sa hơ iă đei pơ gơ\r lơ\m pơ yan âu ‘no\h Et sa soi sơ măih kơ bri kơ bơ ngai Jarai tơ\ xăh Ia Pếch, apu\ng tơ ring sơ lam Ia Grai, de#h char Gia Lai, ap^nh ‘me\h vă kơ yang bri asong ăn dôm tơ drong ‘lơ\ng hơ iă, ‘me\h ăn kơ bri ling lang jing ‘lơ\ng vă tơ drong ar^h sa đei kơ jăp.   

To\k bo\k bri gip gap, tơ\ đak glung hlăng hlơ hlơr, rơ ngơp ‘lơ\ng, nơ\r soi sơ măih đơ\ng kră pơ lei Siu Tới, plei Ograng, xăh Ia Pếch, apu\ng Ia Grai, de#h char Gia Lai re jơ va gơ\ih tru\h hăm yang bri g^t kăl:

Kră pơ lei Siu Tới tang măt kon pơ lei, ap^nh ‘me\h vă ăn ‘mi ro\ to\ hơ lăng, jang sa đei io\k yua, ăn dôm tơ drong ‘lơ\ng hơ iă tru\h hăm kon pơ lei. {ok ku\m ap^nh ăn bri ling lang jing ‘lơ\ng, ăn khu\l kang [o# vei lăng bri jơ\ng kơ jăp, măt hơ dăh vă vei bri mă ‘lơ\ng. {ok Tới tơ băt, bơ ngai Jarai tơ ring âu đơ\ng sơ\ ar^h tơ klep ‘lơ\ng hăm bri, bri vei ăn ‘mi ro\ to\ hơ lăng, đak ăn jang sa, ăn oei sa đơ\ng bri mă đei, ‘long pơm hnam io\k đơ\ng bri, sem tơ rong ku\m io\k đơ\ng bri. Bri hăm kon pơ lei tôch kơ g^t, mă loi ‘no\h, lơ\m khei ‘năr tơ blăh vang sơ\, tơ dăh ư\h kơ đei bri pe\ng do\ng, vei lăng ăn kon pơ lei đei sơ đơ\ng. Yua thoi no\h, mă đơ\ng tơ drong ar^h sa hlôi đei lơ tơ pl^h mă lei bri oei vei kơ jăp ‘lơ\ng păng tơ drong soi sơ măih kơ bri oei đei kon pơ lei pơ gơ\r rim sơ năm: “Tơ roi găh bri, sơ\ tơ blăh vang tơ dăh ư\h kơ đei bri ‘no\h mơ mat de#h, gơ nang đơ\ng bri mă gơ\h ar^h. Chăl do\h sơ\, [ôm, [rơ\m phao sư prăh tru\h răm đ^ bri văi. Dang ei chăl rơ ngei bơ\ih, athei pơm ăn kơ bri chăt dơ\ng, vă ‘lơ\ng hơ iă [iơ\.”

Soi sơ măih kơ bri đa đei bơ ngai Jarai tơ\ xăh Ia Pếch pơ gơ\r đơ\ng ro\ng kơ [a tơ\ mir, hơ [o tơ\ ro\h đ^ ke\ch yuă, jang đang đ^ đăng păng kon pơ lei yak mơ\t lơ\m khei et sa. Ku\m hăm dôm et sa nai ‘no\h Et sa soi sơ măih kơ bri đei lăng jing 1 et soi t^h, ako\m đ^ đăng kon pơ lei lơ\m pơ lei, đơ\ng kră tru\h hơ io\h, dro\ nglo hăm dro\ kăn vang mơ\t tơ\ bri. An^h pơ gơ\r et soi đa đei rơ\ih hloi tơ\ đak glung vă kơ hiôk ăn tơ drong io\k đak pơ yua ăn et soi kơ bri ku\m nhen vă kơ rim ‘nu yua. Păng mơ\ng kiơ\ tơ drong hiôk mă et soi đei pơ gơ\r pha ra băl, mă lei lai yơ ku\m đei tơ drô ge, pơ lăh đing, ier [u\h vă soi kơ yang bri.

Hơ dro# sơ năm ‘nâu, et soi kơ bri đơ\ng kon pơ lei plei Ograng đei pơ gơ\r t^h [ơ\t đei tơ drong tơ gu\m, vang jang đơ\ng kơ dră đảng, khu\l kơ dră apu\ng păng xăh. {ok Siu Thunh, Bí thư Đảng xăh Ia Pếch, ku\m oei đơ\ng plei Ograng tơ băt, tơ drong xăh păng apu\ng vang ako\m et soi ‘no\h j^ vă pôk pơ ư 1 tơ drong et soi ‘lơ\ng hơ iă, hơ dai hăm pơ lung ăn tơ drong ‘mêm kơ bri, ăn jơ hngơ\m đon vei lăng bri đơ\ng kon pơ lei: “Vă hơ to\k jơ hngơ\m đon vei lăng bri đơ\ng kon pơ lei ‘no\h xăh hlôi pơ gơ\r dôm năr tơ roi tơ băt tru\h hăm kon pơ lei. Hơ dai hăm ‘no\h, hơ to\k tơ drong joăt, oei sa đơ\ng kon pơ lei kơ tă an^h, rim sơ năm xăh pơ tru\t kon pơ lei pơ gơ\r soi kơ bri hăm ‘me\h vă ‘no\h hơ to\k tơ iung mu\k drăm đei sa yua đơ\ng bri.”

Tơ drong ‘lơ\ng hơ iă lơ\m et soi kơ bri đơ\ng kon pơ lei plei Ograng ‘no\h j^ đei pơ gơ\r to\k bo\k bri, pơ yua ăn kơ hre\ng ‘nu bơ ngai mă lei kon pơ lei ư\h kơ đei hơ tu\t [ơm tru\h tơm ‘long hơ yơ hloi. Đ^ đăng dôm tơ mam yua tơ dăh kăl ‘no\h tă kơ yua đơ\ng bơ\n kram, ‘lao, pơ o đe\ch. Hơ dro# ngar vă [u\h ‘nhe\m ‘no\h io\k đơ\ng dôm ‘long kro đei lơ\m bri. ‘Nâu ku\m jing trong ‘lơ\ng hlo\h vă kon pơ lei tơ roi ăn kơ rim jơ hnơr tơ\ hơ năp kơnh tơ drong ‘mêm kơ eng hăm bri, jơ hngơ\m đon vei lăng bri.

{ok Lâm Văn Long, Kơ dră an^h vei lăng bri ‘long apu\ng Ia Grai, de#h char Gia Lai tơ băt, khu\l linh kơ pal vei lăng bri tơ\ 1 xăh ‘no\h tôch to\ se\t, lăp 1-2 ‘nu đe\ch. Tơ drong jang vei lăng bri tôch kơ kăl tơ drong vang jang đơ\ng kon pơ lei. Yua thoi no\h, tơ drong kon pơ lei tơ\ xăh Ia Pếch pơ gơ\r et soi kơ bri ‘no\h j^ tơ drong tôch kơ ‘lơ\ng:  “Tơ drong vei bri ‘no\h athei đei tơ drong pran đơ\ng đ^ đăng kon pơ lei. Tơ\ âu, tơ pôl kon pơ lei pơ gơ\r et soi kơ bri tơ\ to\k bo\k bri ‘no\h đei tôch kơ ‘lơ\ng, tơ gop tôch kơ t^h ăn khu\l jang vei lăng bri ‘long lơ\m tơ drong jang vei lăng bri. ‘Nâu jing tư\k jơ hngơ\m pran đơ\ng đ^ đăng kon pơ lei lơ\m vei lăng bri.”

Et soi sơ măih kơ bri kơ bơ ngai Jarai

Tây Nguyên to\k bo\k lơ\m pơ yan et soi, pơ yan kơ dôm tơ drong ‘lơ\ng hơ iă păng et soi kơ bri đơ\ng bơ ngai Jarai tơ\ xăh Ia Pếch pơm hơ iă thim ăn dôm tơ drong ‘lơ\ng oei sa g^t kăl đơ\ng tơ pôl kơ rim hơ dre\ch hơ dru\ng lơ\m tơ ring. Tơ drong ar^h sa hlôi đei tơ pl^h mă lei tơ drong ‘mêm hăm bri, tơ drong oei sa vei bri oei đei kon pơ lei tơ ring âu vei răk. ‘No\h ku\m đei lăng jing 1 mu\k drăm kăp g^t ‘măn răk mă tơ pôl kon pơ lei tơ ring âu pơ jao pơ tru\h ăn jơ hnơr đơ\ng ro\ng kơnh.

Công Bắc : Ch^h

Thuem: Tơ blơ\