VOV4.Bahnar - Năr brei, năr 30/8, dơnŏ anĭh jang pơgang dêh char Gia Lai pơgơ̆r khăm hơlen păng ƀet vaccine jrŭm mă 2 tang găn jĭ Covid-19 ăn khŭl vơ̆r gre lơ̆m pơlei tơm Pleiku. Tơdrong jang au đei pơgơử lơ̆m khei ‘năr pơlei tpơm Pleiku dêh char Gia Lai tŏk bŏk jang kiơ̆ ăn oei hơtăih dĭh băl kiơ̆ Nơ̆r athei jang kiơ̆ 16 đơ̆ng Thủ tướng Tĕh đak. Kơ yuơ lơ lŏh, trong bơ̆ jang tang găn jĭ tơ̆ hơnĭh khăm hơlen păng ƀet vaccine đei tơlĕch jang tôch kơtang. Rim bơngai vơ̆r gre jei pơm kiơ̆ ƀlep tơdrong tơroi tơbăt akau jăn, pơtŏ yŭh akau jăn, ôp ti hăm đak pơgang păng tơ oei hơtăih dĭh băl ƀlep hăm ƀok thây pơgang athei. Lăp đơ̆ng rŏng khăm đei ƀô̆h sơđơ̆ng, rim bơngai vơ̆r gre gô ƀet jrŭm mă 2 vaccine tang găn jĭ Covid-19. Tơchĕng hơlau đơ̆ng năr 30/8 trŭh đĭ năr 31/8, Hơnĭh tơm Dăr lăng jĭ jăn Gia Lai iung jang hơdoi hăm Hnam pơgang pơlei tơm Pleiku pơgơ̆r khăm hơlen păng ƀet vaccine tang găn jĭ Covid-19 ăn hlŏh 700 ‘nu bơngai vơ̆r gre bŏk bŏk bơ̆ jang tơ̆ pơlei tơm Pleiku.

Tơblơ̆ nơ̆r: Amazưt