VOV4.Bahnar - Pơ gê 8/7, kiơ̆ đơ̆ng set hơ len pham dôm bơ ngai F1 ƀơm truh 2 ‘nu bơ ngai jĭ Covid-19 ‘nao băt lơ̆m gơ măng ‘năr 7/7, Anih vei lăng jĭ jăn (CDC) dêh char Gia Lai chă ƀôh dơ̆ng 1 ‘nu bơ ngai tơ pŏh pơ rang jĭ SARS-CoV-2. Mă hơ dăh, bơ ngai ‘nao đei băt jĭ Covid-19 âu ‘nŏh jĭ tơ dăm păh iung rơ nĕh sơ năm 2006, oei tơ̆ plei Kte, xăh Hbông, apŭng Chư Sê, Gia Lai. Bơ ngai jĭ ‘nâu ‘nŏh ŏh bơ ngai jĭ Covid-19 đei băt lơ̆m gơ măng ‘năr 7/7.

Lơ̆m gơ măng 7/7, Gia Lai ăn khul jang pơ gang truh chĕng găn tơ ring, set hơ len jĭ tơ̆ plei Kte, xăh H’bông, apŭng Chư Sê

Đơ̆ng rŏng hơ nơ̆ng đei hloi 3 ‘nu bơ ngai tơ pŏh pơ rang jĭ SARS-CoV-2, dêh char Gia Lai hlôi chĕng găn, chĭt trong mât lĕch lơ̆m Kte, iŏk set hơ len jĭ ăn 261 ‘nu bơ ngai lơ̆m tơ pôl. Kŭm hăm ‘nŏh, Anih pơ gơ̆r jang tang găn jĭ Covid-19 kơ dêh char đei hla ar pơ tho ăn Công an dêh char Gia Lai pơ truh khul linh, hơ tŏk đon vei lăng mă kơ jăp, vei lăng hăm camera tơ̆ 4 anih gak hơ len jĭ tơ̆ dôm trong mât lĕch lơ̆m tơ ring.

Dơ̆ng: Tơ blơ̆