VOV4.Bahnar  – Ƀak sih Hồ Ngọc Gia – Kơdră Anih jang Hơlen pơrang jĭ dêh char Gia Lai ăn tơbăt: Đơ̆ng blŭng xơnăm truh dang ei, jâ̆p dêh char đei 164 'nu ƀơm pơlŏ tô̆ lĕch ƀre ƀronh akŏm tơ̆ dôm apŭng: Krông Pa, Phú Thiện, plei tơm Pleiku păng thĭ xăh Ayun Pa. Mă kơsô̆ bơngai ƀơm jĭ tơjur pơtêng hăm khei năr âu xơnăm xơ̆, mă lei ưh kơxĭ kơyuơ thoi noh mă pơhơi lơ̆m tơdrong tang găn păng tơjră pơrang jĭ. Anih jang Hơlen pơrang jĭ dêh char axong keh đang khul juăt jang hơlen hơmet pơlŏ tô̆ lĕch ƀre ƀronh kơ dêh char, khul juăt jang tơ̆ apŭng păng kang ƀô̆ juăt jang kơ anih jang y tê̆ pơm jang tang găn păng tơjră pơlŏ tô̆ lĕch ƀre ƀronh tơ̆ tơring. Atŭm hăm noh, pơtoi hơvơn tơdrong vang jang đơ̆ng tôm anih jang chĭnh trĭ tơ̆ tơring lơ̆m tơdrong jang tang găn păng tơjră pơrang jĭ; hơtŏk pran tơroi tơbăt, hơvơn kon pơlei vang chă pơlôch klanh, xơmach lơ̆m anih oei xa.

Lan chih păng pơre nơ̆r