VOV4.Bahnar - Lơ\m mă tơdrong ‘me\h vă đơ\ng bơngai răt yua găh tơmam drăm pơm ‘lơ\ng hơ iă jơhngơ\m jăn roi năr roi kơtang, rim an^h pơm tơle\ch ư\h pơdơ\h chă tơche\ng hơlen, pơm tơle\ch rim kơ loăi tơmam drăm pơm ‘lơ\ng hơ iă jơhngơ\m jăn ‘lơ\ng ‘no\h m^nh tơdrong yan au tôch kơ chr^h, rim tơmam drăm ‘lơ\ng tơnap mă tru\h hăm tơmang ti bơngai răt yua.

Lơ\m tơdrong ato\k tơ iung, rim tơmam drăm pơm ‘lơ\ng hơ iă jơhngơ\m jăn đe\i pơm tơle\ch vă măh mai ăn tơdrong ‘me\h vă răt io\k đơ\ng bơngai yua. Mă le\i, tơ\ dêh char Gia Lai đe\i [o#h hơdăh, bơngai răt yua tơnap mă răt đe\i rim tơmam drăm ‘lơ\ng tơpă.

Mo\ Lương Thị Ánh Chúc, oe\i tơ\ phương Diên Hồng, pơle\i tơm Plei Ku tơbăt, rim tơmam drăm đe ư hơnhang hmă hmă te\ch mơdro kiơ\ Ko\ng ty đa câp. Rim ko\ng ty au nhen le\ pơm tơngla te\ch mơdro tơmam drăm ‘lơ\ng. Kơ yuơ lơ lo\h, kơ jă ‘no\h tôch măt bơngai răt [ônh hlu\ đe chă pơdôr vang mơ\t lơ\m rim trong mơdro sa đa câp hơle\nh pơdăr.

Mo\ Chúc tơroi tơbăt: “Dro\ kăn nhôn ‘no\h je\i tôch ‘me\h vă đe\i dôm tơmam drăm pơm ‘lơ\ng hơ iă ăn jơhngơ\m jăn. Mă le\i, hre\i au, tơ\ an^h te\ch mơdro ‘no\h tơnap mă tơhă đe\i dôm tơmam drăm ‘lơ\ng tơpă. Găh lơ rim kơ loăi tơmam drăm kơ rim ko\ng ty đak kâp. Păng pơma tru\h tơ\ đa kâp ‘no\h nhôn je\i ‘nhoen mơ\n.”

Rim tơmam drăm pơm ‘lơ\ng hơ iă jơhngơ\m jăn te\ch mơdro tơ\ dêh char Gia Lai hre\i au găh lơ ‘moi kiơ\ [ar khu\l te\ch mơdro. M^nh ‘no\h kiơ\ rim ko\ng ty đa kâp. Kiơ\ khu\l au ‘no\h dôm tơmam drăm kơ jă tôch kơ măt, đơ\ng m^nh [ar  tr^u tru\h [ar pêng j^t tr^u hlak jên lơ\m m^nh kơ loăi tơmam drăm, yak hlo\h tơdrong ke\ răt kơ lơ bơngai ‘me\h vă răt.

Khu\l mă [ar ‘no\h kiơ\ rim an^h, hnam te\ch mơdro pơgang ming hơmet j^ jăn. Kiơ\ trong te\ch mơdro au, tơdrong ‘lơ\ng ‘no\h kơ jă re, lăp [ar pêng j^t tru\h m^nh [ar hre\ng hlak jên lơ\m m^nh tơmam drăm, đe\i băt hơdăh an^h pơm tơle\ch, te\ch mơdro, mă le\i tơdrong tơmam  ‘lơ\ng ‘no\h je\i tơnap mă lăp đon hăm bơngai răt yua.

Dược sĩ Nguyễn Thị Kim Loan, tơngla An^h te\ch pơgang kơso# 2, tơ\ trong Lê Lợi, pơle\i tơm Plei Ku, tơbăt: “Tơmam drăm pơm ‘lơ\ng hơ iă jơhngơ\m jăn lơ\m an^h te\ch mơdro pơgang ^nh te\ch ‘no\t răt tơmơ\t đơ\ng Ko\ng ty pơgang Tơmam drăm jang pơgang dêh char Gia Lai. Găh tơmam drăm đe\i lơ kơ loăi mă le\i mă kăl ‘no\h tơmơ\t dơ\ng canxi, Glucosamine. Đe răt ‘no\h ap^nh anăn, đe hlôi băt tơmam drăm au bơih. Dăh mă đe\i bơngai năm tru\h tơ\ au ap^nh kăl răt pơgang hơmet j^ ‘no\h mă le\i io\k yua găh tơmam drăm pơm ‘lơ\ng hơ iă jơhngơ\m jăn, le\i bơ\n pơtho tơbăt ăn đe sư. Mă le\i tơmoi năm chă răt ưh kơ lơ, đe\i ‘măng lơ\m m^nh năr lăp [ar pêng ‘nu, đe\i năr ư\h kơ đe\i bu năm răt ôh.”

Vă băt hơdăh hlo\h dơ\ng găh tơdrong pơm tơle\ch, te\ch mơdro tơmam drăm pơn ‘lơ\ng hơ iă jơhngơ\m jăn adoi nhen tơdrong ve\i lăng năng tong đơ\ng an^h bơ\ jang kơpal hăm trong te\ch mơdro au, Bơngai chă ch^h kơtơ\ng ang găh tơdrong Tơroi au đe\i pơma dơnu\h hăm [ok Nguyễn Văn Đang, Kơdră che\p pơgơ\r Dơno\ an^h ve\i lăng Sơđơ\ng Rơgo\h tơmam sa dêh char Gia Lai.

- {ok ăi, ih tơroi lăng tơdrong pơm tơle\ch, te\ch mơdro tơmam drăm sa pơm ‘lơ\ng jơhngơ\m jăn tơ\ dêh char Gia Lai hre\i au?

{ok Nguyễn Văn Đang: Găh tơdrong pơm tơle\ch tơmam drăm pơm ‘lơ\ng hơ iă jơhngơ\m jăn lơ\m dêh char Gia Lai ‘no\h tôch to\ se\t, lăp đe\i m^nh [ar an^h. Rim sơnăm, Dơno\ an^h ve\i lăng Sơđơ\ng Rơgo\h tơmam sa dêh char hlôi pơgơ\r iung năm dăr lăng hơlen, nhen le\ dôm an^h au ư\h kơ đe\i pơm glăi găh trong pơlăp adoi nhen rim hla bơar khôi luơ\t găh  pơm tơle\ch tơmam drăm pơm ‘lơ\ng hơ iă jơhngơ\m jăn. Găh tơdrong te\ch mơdro ‘no\h [ar kơ loăi. Kơ loăi mă blu\ng ‘no\h te\ch mơdro tơmam drăm pơm ‘lơ\ng jơhngơ\m jăn atu\m hăm rim an^h te\ch pơgang ming hơmet j^ jăn. Găh m^nh kơ loăi dơ\ng ‘no\h dôm tơmam drăm pơm ‘lơ\ng hơ iă jơhngơ\m jăn đe\i te\ch mơdro kiơ\ đa kâp. ‘Nau găh tơdrong jang kơ Dơno\ an^h ve\i lăng mơdro sa dêh char io\k ve\i lăng.

- Tơ\ lơ tơring lơ\m te\h đak, đe\i rim an^h te\ch mơdro tơmam pơm ‘lơ\ng hơ iă jơhngơ\m jăn chă tơroi tơbăt ư\h kơ [lep tơdrong đe\i ‘lơ\ng hơ iă kơ loăi tơmam au păng pơm ato\k kơ jă măt. Lơ lo\h, tơ\ dêh char Gia Lai hlôi đe\i tơdrong au bơih dăh mă lơ liơ?

{ok Nguyễn Văn Đang: Khe\i năr au ki, lơ\m dêh char au đe\i m^nh [ar an^h jang, m^nh [ar ko\ng ty năm tru\h pơm hla bơar ap^nh kuang kăo, tơ [o#h tơmam drăm pơm ‘lơ\ng jơhngơ\m jăn. ‘Moi kiơ\ dôm an^h kuang kăo tơbăt tơmam drăm pơm ‘lơ\ng hơ iă jơhngơ\m jăn lơ lo\h Dơno\ an^h ve\i lăng Sơđơ\ng rơgo\h tơmam drăm hlôi jang kiơ\ [lep tơdrng tơ chơ\t, [ơk ăn hla bơar mư\h dôm tơmam drăm hlôi đe\i Dơno\ an^h au k^ tơchơ\t, sơkơ\t hơdăh. ‘Moi kiơ\ jang lơ lo\h, an^h pơm tơle\ch gơ\h chă kuang kăo tơ [o#h tơbăt tơmam drăm pơm ‘lơ\ng jơhngơ\m ăn đe sư gô đe\i trong tơle\ch jang, trong vă jang păng khe\i ‘năr hơdăh, an^h jang tơ\ yơ, pơgơ\r jang lơ liơ. Găh Dơno\ an^h ve\i lăng sơđơ\ng rơgo\h tơmam drăm dêh char mư\h băt hơdăh khe\i ‘năr adoi nhen an^h ‘no\h ăn kang [o#h năm tru\h tơ\ no\h dăr lăng hơlen, lơ\m tơdrong kuang kăo tơ [o#h tơbăt đe sư te\ch dăh mă ư\h, dăh mă kuang kăo hmă đe\ch, vă io\k đe\i yua ăn ko\ng ty. Tơdăh dăr lăng đe\i [o#h pơm glăi k^ pơkăp ‘no\h gô xek tơlang kiơ\ tơdrong tơchơ\t.

- Tơ\ anăp tơdrong te\ch kơdro tơmam pơm ‘lơ\ng jơhngơ\m jăn, hăm lơ an^h pơm tơle\ch te\ch mơdro, ih hăm đe\i nơ\r chă pơkă ăn bơngai răt yua lơ\m dêh char au lơ liơ?

{ok Nguyễn Văn Đang: Tơ\ anăp tơmam drăm pơm ‘lơ\ng jơhngơ\m jăn hre\i au đe\i lơ trong gơlong te\ch mơdro lơ lo\h ‘noh ^nh je\i pơkă ăn kon pơle\i pơla bơ\n dăh răt io\l dôm tơmam drăm đơ\ng rim an^h pơm tơle\ch hlôi đe\i Te\h đak [ơk ăn hla bơar gơ\h jang păng hlôi đe\i tơchơ\t hơdăh, đe\i lăng hơlen hơnơ\ng păng dôm tơmam drăm hlôi đe\i rim an^h bơ\ jang ve\i lăng Sơđơ\ng rơgo\h tơmam sa hlôi sơkơ\t hơdăh. Chă răt dôm tơmam drăm ‘no\h le\i tro\ [lep hăm tơdrong tơchơ\t khôi luơ\t păng ư\h kơ jor dôm tơmam drăm ‘no\h ‘lơ\ng, ư\h kơ đe\i hơle\nh pơdăr au to ôh. Găh dôm an^h te\ch răt kiơ\ krao điên thoăi dăh mă chă tơroi pơhach d^h băl đơ\ng bơngai au, bơngai to le\i dôm tơmam drăm au tim mă đe\i lăng hơlen, tim mă đe\i tơchơ\t drơ\ng jing tơmam drăm sơđơ\ng rơgo\h ‘lơ\ng kơna bơ\n ‘ne\h kơ răt.

- Le\i ah, bơnê kơ ih hơ!

Bơngai ch^h: Công Bắc

Tơblơ\ nơ\r: Amazư\t