VOV4.Bahnar – Kơsơ̆ năr 4/8, Jơnŭm pơgơ̆r jang tang găn păng tơjră pơrang jĭ Covid-19 Gia Lai tơroi, dêh char 'nao băt đei 3 'nu dơ̆ng ƀơm jĭ Covid-19. Lơ̆m noh, đei minh 'nu tơgŭm vơ̆r gre chơ tơmam ƀơm jĭ SARS-CoV-2 ƀơ̆t năm hơlen renh. Bơngai tơgŭm vơ̆r gre âu noh drŏnglo (rơneh xơnăm 2001), oei tơ̆ dêh char Bình Định, tơgŭm vơ̆r gre chơ tơmam drăm đơ̆ng plei tơm Hồ Chí Minh - Đồng Nai, pơjao tơmam drăm tơ̆ dêh char Kon Tum. Dang ei, bơngai jĭ hlôi đei năm truh Hnam pơgang hơmet bơngai jĭ Covid-19 Gia Lai vă pơkăp oei tơklăh. Duh ăh kơsơ̆ năr 4/8, Gia Lai băt đei 2 'nu nai ƀơm jĭ Covid-19 noh jing bơngai chôt vih tơ̆ dêh char, hlôi pơkăp oei tơklăh. Thoi noh, lơ̆m năr 4/8, tơ̆ Gia Lai đei 14 'nu ƀơm jĭ Covid-19. Kơsô̆ bơngai ƀơm jĭ tơ̆ dêh char jô̆ đơ̆ng năr 26/4 truh dang ei noh 124 'nu.

Lan chih păng pơre nơ̆r