VOV4.Bahnar - Lơ\m 3 năr blu\ng kơ sơ năm ‘nao 2017, tơ\ pơ lei tơm Pleiku, dêh char Gia Lai, lơ an^h ngôi pơ chơt, chă tơ mang lăng io\k yoa dôm tơ drong jo\h ayo\ kơ do\ xoang kơ kon pơ lei kon kông tơ\ tơ ring đei tơ moi truh ngôi tôch lơ. 

Lơ an^h ngôi pơ chơt tơ\ pơ lei tơm Pleiku nhen An^h Đồng Xanh, plei erih xa ‘lơ\ng rơ gei Plei Ơp, Plei Kép đei hơ met pơ ro\ bơ\n hnam kơ jung, chơ kơi đak, an^h pơ dơ\ng mul pơ sat… năng tôch hơ iă.

Tơ moi truh hăm dôm an^h chă tơ mang lăng âu lơ\m dôm năr pơ dơ\h lêh oei đei ngôi pơ chơt, lăng đe tôn ch^ng, hơ xoang păng et xa tơ mam xa kơ dôm hơ dre\ch kon kông Tây Nguyên nhen pơ lăh đing, ie\r [uh, tơ drô ge….

Mă đơ\ng tơ moi truh tôch lơ lơ\m năr pơ dơ\h Tết tây, mă lei kơ jă ve\ mât le\ch tơ\ an^h chă tơ mang lăng oei ưh kơ đei to\k pơ têng hăm năr hmă.

Dơ\ng: Tơ blơ\