VOV4.Bahnar – Kiơ̆ Jơnŭm jang tang găn păng tơjră pơrang jĭ Covid-19 dêh char Gia Lai, kơsơ̆ măng 'năr brei 7/7, Gia Lai đei dơ̆ng 2 'nu ƀơm xơmach jĭ SARS-COV-2 atŭm oei tơ̆ pơlei Kte, xăh H’Bông, apŭng Chư Sê, dêh char Gia Lai.

            Ƀar 'nu 'nao ƀơm jĭ âu noh drŏnglo hơnăn K.N (rơneh xơnăm 2003) păng K.Q (rơneh xơnăm 2001) adoi oei tơ̆ pơlei Kte, xăh H’Bông, apŭng Chư Sê, dêh char Gia Lai hao gre honđa đơ̆ng kơsô̆ 163 Huỳnh Tấn Phát, phương Tân Thượng Đông, Quận 7, plei tơm Hồ Chí Minh vih truh xăh H’Bông, apŭng Chư Sê ăh năr 4/7. Dang ei, ƀar 'nu jĭ âu hlôi đei 'nhăk hơmet jĭ tơ̆ anih pơkăp oei tơklăh kơ dêh char Gia Lai. Khul jang kơpal duh hăt hot tơlĕch pơkă tơring hơbuh pơrang păng chă akŏm dôm bơngai F1, F2 đei tơrĕk. Hăm 2 'nu 'nao ƀơm jĭ, jô̆ đơ̆ng năr 26/4 truh dang ei, Gia Lai hlôi đei 6 'nu ƀơm xơmach jĭ SARS-COV-2.

Lan chih păng pơre nơ̆r