Gia Lai: Pơtơm ƀet vaccine COVID-19 ăn hŏk tro đơ̆ng 12 truh hơla 18 xơnăm
Thứ ba, 10:05, 30/11/2021

VOV4.Bahnar – Năr 29/11, dêh char Gia Lai pơtơm tơlĕch ƀet vaccine COVID-19 kơ anih Pfizer- BioNTech ăn hŏk tro đơ̆ng 12 truh 17 xơnăm. Hơdăh, kiơ̆ pơkăp đơ̆ng Jơnŭm pơgơ̆r tang găn păng tơjră pơrang jĭ COVID-19 Gia Lai, pơhlom hloh 60.200 'nu hơ ioh đơ̆ng 16 truh 18 xơnăm tŏk tơ̆ kơpal jâ̆p dêh char gô đei ƀet adrol.

Tơdrong ƀet pơgang bơ̆ng jĭ gô đei tơlĕch tơ̆ dôm Anih jang y tê̆ xăh, phương; dôm anih ƀet pơgang tơ̆ dôm hnam trưng hŏk, kueng kơphô̆ tơ̆ dôm thôn, pơlei tơring ataih yaih. Kơchĕng, đơ̆ng rŏng kơ keh đang ƀet bơ̆ng jĭ ăn hơ ioh hnưr xơnăm âu, dêh char Gia Lai gô pơtoi tơlĕch ƀet ăn hloh 113.200 'nu hơ ioh đơ̆ng 12 truh hơla 16 xơnăm. Hơtaih đơ̆ng 2 'măng ƀet vaccine noh đơ̆ng 3 truh 4 giĕng. Jơnŭm pơgơ̆r tang găn păng tơjră pơrang jĭ COVID-19 Gia Lai pơkăl dôm tơring tơlĕch ƀet bơ̆ng jĭ ăn hơ ioh tenh kuăng, adrin ƀet tôm vaccine ăn hnưr xơnăm đơ̆ng 12 truh hơla 18 xơnăm lơ̆m xơnăm 2021.

Lan chih păng pơre nơ̆r

Tags:

Viết bình luận

TIN CÙNG CHUYÊN MỤC