VOV4.Bahnar - Năr 15/9, dêh char Gia Lai pơgơ̆r sơng hơvơn vă jê̆ 250 ‘nu drŏ kăn hơnăp păng hơ iŏh tŏk bŏk erĭh sa, bơ̆jang tơ̆ dêh char Bình Dương, Đồng Nai păng pơlei tơm Hồ Chí Minh brŏk vĭh tơ̆ tơring. ‘Nau ‘măng sơng kon pơlei brŏk đơ̆ng tơring đei jĭ hơbŭh ‘măng mă 3 đei đei char Gia Lai pơgơ̆r. Rim kon pơlei đei dêh char Gia Lai sơng ‘măng mă au vă jê̆ 209 ‘nu drŏ kăn hơnăp, 37 ‘nu hơ iŏh păng 1 ‘nu bơngai lơ̆m ŭnh hnam. ‘Nau dôm kon pơlei lơ̆m khŭl tŏk bŏk erĭh sa, jang sa, ư̆h kơ đei hơnĭh oei păng jĭ bơngai kon kông. Vă sơng kon pơlei brŏk vĭh tơ̆ dêh char ‘măng mă au, đĭ đăng gre chă chơ kơ yuơ hơnĭh jang găh gre Phương Trang Pơlei tơm Hồ Chí Minh păng Hơnĭh jang gre chơ tơmoi Thuận Tiến Gia Lai tơgŭm; Kŏng ty Hoàng Anh Gia Lai ăn kon jên hao gre. Dang ei rim kon pơlei hlôi đei ăn năm oei tơ̆ hơnĭh ăn oei hơdrô̆ tơ̆ dêh char Gia Lai.

Tơblơ̆ nơ̆r: Amazưt