VOV4.Bahnar  - Lơ\m dôm xơnăm kơ âu, tơ\ lơ tơring lơ\m apu\ng Krông Pa, dêh char Gia Lai, lơ hơ ioh drăkăn lăp ‘nao 14, 15 xơnăm hlôi pơdơh ho\k vă io\k klo păng rơneh kon hơ ioh. Rim xơnăm, tơ\ apu\ng âu đei đơ\ng 100 truh 150 ‘nu hơ ioh oei unh om đơ\ng ‘la#p. Tơdrong đei [ôh âu, ưh adro# pơm glăi kơluơ\t, mă oei pơrăm truh tơdrong grăng hăm măt bơngai duh nhen hơto\k mu\k drăm – tơpôl tơ\ tơring. 

Xơnăm âu lăp ‘nao 16 xơnăm, mă lei oh Ksor H’Nam tơ\ pơlei Choanh xăh Uar, Krông Pa, Gia Lai hlôi pơm hơkăn đe đei 2 xơnăm păng jing me\ kơ minh ‘nu hơ ioh hloh 1 xơnăm hơle\ hơkong. H’Nam tơroi: đơ\ng ro\ng rơneh kon đei 3 khei noh unh hnam ưh măh xo\ng xa, noh ưh đei đak toh ăn kon mơ\m noh kon jing hiang hiơp. Vă pơtăl kơ đak toh, rim năr oh athei pai chăo ăn kon xa; pho\ lơ ‘măng phe duh ưh đei vă pai chăo.

Tơdrong tơm mă H’Nam io\k klo noh [ônh đe\ch, lăp băl noh oei đe\ch yơh. Unh hnam 2 păh duh drơ\ng nơ\r, mă lei yuơ ưh chih măt tơ oei unh om, noh jơnu\m pơgơ\r tơring păng anih jang kơpal ưh đei tơkan. Ksor H’Nam ăn tơbăt, đơ\ng ro\ng 2 xơnăm io\k klo, tơdrong erih unh hnam roi tơnap tap, H’Nam tơroi: “Oh oei klo đơ\ng 14 xơnăm, tơdrong erih kơ oh dang ei tơnap tôch dêh, ưh đei teh choh jang. Klo noh chă thông huang ưh kơ pơngơ\t hăm kon hơkăn. Lơ ‘măng ưh đei phe xo\ng, kon hơ ioh j^ pơlo\ noh inh he\l kơ đon, inh ‘meh rim bơngai ne\ hơyak yoch nhen inh ôh”.

Xăh Ia Rmok duh jing tơring oei [ôh lơ găh tơdrong tơ oei unh om đơ\ng ‘la#p tơ\ apu\ng Krông Pa, dêh char Gia Lai. Nhen Rơ Lan H’Riếm tơ\ pơlei H’Nga xăh Ia Rmok, apu\ng Krông Pa jing minh pơtih. Đunh kơ âu 3 xơnăm, ăh oei ho\k lăm 8 noh oh pơdơh vă io\k klo. Rơ Lan H’Riếm ăn tơbăt, đơ\ng io\k klo truh dang ei tơdrong erih unh hnam jing tơnap tap. Bre klo hơkăn ưh đei tơdrọngang, rim năr hơkăn pu\ kon năm vei rơmo ăn me\ [ă, oei klo noh ưh chiu jang xa mă chă thông păng et tơdrô đe\ch.

Kiơ\ hơlen, lơ\m xơnăm 2016 lơ\m ja#p apu\ng Krông Pa, dêh char Gia Lai đei hloh 150 ‘nu bơngai tơ oei unh om đơ\ng ‘la#p; oei đơ\ng blu\ng xơnăm truh dang ei, anih jang kơpal duh hlôi [ôh hloh 100 ‘nu. {ok Đỗ Đức Trình – Kơdră Anih jang găh kơxo# măt bơngai apu\ng Krông Pa, dêh char Gia Lai ăn tơbăt, vă tang găn tơdrong tơ oei unh om đơ\ng ‘la#p, khei năr âu ki Anih jang duh hlôi đei lơ trong jang. Mă lei, yuơ đơ\ng lơ tơdrong, nhen tơdrong hlôh tam mă tôm, hlôh vao găh kơluơ\t teh đak đơ\ng kon pơlei duh tam mă kloh kle\ch, mă kăl noh khôi kră xơ\ kơ kon pơlei tam mă đei tơplih. Atu\m hăm noh, tơdrong tơkan đơ\ng jơnu\m pơgơ\r tơring tam mă tơpă kơtang. {ok Trình ăn tơbăt dơ\ng: “Đei lơ tơdrong pơm ăn tơ oei unh om đơ\ng ‘la#p tơ\ tơring kon pơlei kon kông. ‘Nâu jing khôi đơ\ng kră xơ\ kơ kon pơlei, jo# hloi me\ [ă dăh mă kon hơ ioh. Đei lơ ho\k tro hlôi pơdơh kơ ho\k vă io\k klo, mă lơ noh xơnăm 16, 17 noh oei kơ đe bơih”

Mă anih jang kơpal tơbang lơ tơdrong tơm pơm ăn tơ oei unh om đơ\ng ‘la#p, mă lei tơdrong mă âu rim xơnăm đei kơ hre\ng ‘nu tơ oei unh om đơ\ng ‘la#p nhen tơ\ apu\ng Krông Pa, dêh char Gia Lai noh kơdra#m hloh. Tơpă âu ăn [ôh tơdrong hơlen tơ oei unh om đơ\ng ‘la#p tơ\ âu tam mă kơjăp ôh, pơm ăn lơ tơdrong ưh kơ ‘lơ\ng găh kơxo# măt bơngai duh nhen tơdrong hơto\k tơ iung mu\k drăm – tơpôl tơ\ tơring.

Lan chih păng rapor